He kōrero, ko ōna kiripuaki, ko ōna kaupapa e whakakanohi ana i tētahi whakaaro kē, i tētahi kaupapa kē rānei, he rerekē i ērā e whakaaturia ana e ngā kupu o te paki.
A text or story in which the characters and themes represent something different from what is denoted in the text.
Tauira KŌrero
Whakamāramahia te paki whakarite i roto i te pūrākau nei mō Tāwhaki.
He tohunga te kaituhi nei ki te tuitui paki whakarite ki roto i ana pakipoto.
I ētahi kōrero e āhua huna ana te paki whakarite, i ētahi atu he māmā noa iho te kapo atu.
WhakamĀrama Āpitihanga
E tino kitea ana he paki whakarite i ngā kōrero tara a Aesop. Hei tauira, ko tērā ka hua ake i te paki nei mō Kōhiti rāua ko Pōpokorua, he rite ki te whakataukī nei, Tama tū, tama ora; tama noho, tama mate:
Tērā a Kōhiti, e ngahau noa iho ana i te ao i te pō. Ka hipa ko Pōpokorua, e hoki ana ki te kāinga me āna hauhakenga kai.
“Haere mai e Rua, kia ngahau tahi tāua. Hei aha ō mahi,” tā Kōhiti.
“He kaupapa nui tāku,” tā Pōpokorua ki a Kōhiti. “ E rokiroki kai ana. Kāore e roa ka takurua.”
“Engari hoki mō tēnā e hoa. Kei te whiti te rā, kei te hora ngā kai. Kei te karanga a Rēhia,” te whakahoki a Kōhiti.
Tē aro i a Pōpokorua, ka mau tonu ki tāna. Ka taka te wā, ka takurua. Ka whīroki a Kōhiti, ka mate haere i te kore kai. Engari a Pōpokorua, noho pai tonu ana. Ka karanga atu ia ki a Kōhiti, “E hoa, haere mai. Māku koe e tauawhi.”
“Ka mihi e te rangatira,” tā Kōhiti me te tuohu o tana māhunga. “Kua mau taku iro. Kua mārama ināianei ki tā ngā tīpuna, I hea koe i te tangihanga o te riroriro?”
Takenga Mai
paki - story
whakarite - to make like, liken to, compare
KUPU KĒ ATU
kupu tairite
Tauira KŌrero
Whakamāramahia te paki whakarite i roto i te pūrākau nei mō Tāwhaki.
He tohunga te kaituhi nei ki te tuitui paki whakarite ki roto i ana pakipoto.
I ētahi kōrero e āhua huna ana te paki whakarite, i ētahi atu he māmā noa iho te kapo atu.