Tikanga ā-Iwi

haukiri

personality

tūingoa

WHAKAMĀRAMA

Ko te āhua ake o te tangata, e kitea ana i ōna whakaaro, i ōna kare ā-roto me āna whanonga. Ka puta ake te haukiri o te tangata i ngā ira tuku iho o ana kāwai whakapapa, i te āhua hoki o tana whakaporiporitanga, me ngā āhuatanga o tōna taiao noho nōna e whakapakeketia ana.

The unique characteristics of a person that are evident in their thoughts, their emotions and their behaviours. The personality of a person comes from both their genetic inheritance, their socialisation, and environmental influences during their upbringing.

Tauira KŌrero

Ki a koe, he aha rā ētahi kupu e toru hei whakaahua i te haukiri o tō tātou Pirimia?

He mea tuku iho tana haukiri i tōna matua.

E rua tau te pakeke o tana mokopuna ināianei, ā, kua tīmata te putaputa o tana haukiri kakama.

WhakamĀrama Āpitihanga

Hei tauira o ētahi momo haukiri, ko te Hūmārie, ko te whakahīhī, ko te pākiki, ko te kakama, otirā ko te maha noa atu.

Ko tētahi wāhanga o te haukiri o te tangata, ko tōna kiritau, arā, ko tōna mauri tau ki a ia anō, ko tōna whakapono ki a ia anō me tōna ake rangatiratanga.

He paku rerekē te ihokiri o te tangata i tōna haukiri. Ka takea mai te ihokiri i ngā uara o te tangata, pērā i te manaaki tangata me te pukumahi. Ko te awenga mātua, ko te awenga whānau me te awenga ahurea te tūāpapa e puta ai te ihokiri o te tangata ā tōna wā.

Ko te tūhāhā o te tangata, koirā tōna āhua motuhake. Ka whai wāhi atu ko tōna tuakiri, ko tōna ihokiri, ko tōna haukiri, ko ōna pūmanawa, ko tōna hōkakatanga, ko ōna āhuatanga ā-tinana pērā i te āhua o ōna kākahu me ōna makawe, me ērā anō āhuatanga.

Takenga Mai

hau - vitality of a person

hau - breath, wind

kiri - person, self

KUPU KĒ ATU

āhua whaiaro

Tauira KŌrero

Ki a koe, he aha rā ētahi kupu e toru hei whakaahua i te haukiri o tō tātou Pirimia?

He mea tuku iho tana haukiri i tōna matua.

E rua tau te pakeke o tana mokopuna ināianei, ā, kua tīmata te putaputa o tana haukiri kakama.

WhakamĀrama Āpitihanga