Mātauranga Whānui

hāpai ako

learning intervention

tūingoa

WHAKAMĀRAMA

Ko tā te pouako āta aro ki tētahi ngoikoretanga o te ākonga, me tana tuku i ngā mahi ako, i ngā momo āwhina e kake ake ai te ākonga i aua ngoikoretanga.

A teacher's intentional addressing of areas of a student's weakness by providing specific learning activities and other support measures in order for the student to overcome those weaknesses.

Tauira KŌrero

Ko tāna, he āta kimi i ētahi hāpai ako mō āna ākonga e tōmuri ana te ako pānui.

Me he nui ngā matea ako o te ākonga, he nui anō pea ngā hāpai ako e tika ana.

He mea nui kia tukua ngā hāpai ako i runga i te wairua pai, kia kore ai te ākonga e whakamā i ōna ngoikoretanga.

WhakamĀrama Āpitihanga

Ko ētahi momo hāpai ako:

Ko te hāpai whanonga. He kaupapa ka whakaritea mā te tamaiti e mate whanonga ana, arā pea he whanonga whakatōhenehene i ngā horopaki pāpori, he whanonga tūhourangi, he whanonga nihoniho rānei. Ka raru ko tāna ake mahi ako, ka raru hoki ko te katoa o roto i te taiao ako.
Ko te hāpai takirōpū. Ka mahi tahi te pouako me tētahi rōpū ākonga ki te whakapakari i tētahi āhuatanga e ngoikore ana, pērā i te mōhio ki te whakamahi i tētahi papatono rorohiko.
Ko te hāpai takitahi. Ka mahi tahi te pouako me tētahi ākonga ki te whakapakari i tētahi āhuatanga e ngoikore ana, e tōmuri ana rānei te ako, pērā i te pānui pukapuka.
Ko te hāpai oranga. Ko tētahi āhuatanga hauora te aronga i konei, ākene pea ko te whiringa kai a te ākonga hei whakapiki i tōna oranga tinana, ko tētahi kaupapa rānei hei whakapakari i tōna oranga kare ā-roto, oranga hinengaro.

Takenga Mai

hāpai - uplift, support

ako - to learn

Tauira KŌrero

Ko tāna, he āta kimi i ētahi hāpai ako mō āna ākonga e tōmuri ana te ako pānui.

Me he nui ngā matea ako o te ākonga, he nui anō pea ngā hāpai ako e tika ana.

He mea nui kia tukua ngā hāpai ako i runga i te wairua pai, kia kore ai te ākonga e whakamā i ōna ngoikoretanga.