ārai hapū

contraceptive, contraception, birth control

He tikanga ka whāia, he hanga rānei ka whakamahia e te tokorua onioni, kia kore ai te wahine e hapū.

Techniques that are followed, or devices which are used by sexual partners, to prevent the woman from becoming pregnant.

Me āta kōrero te ārai hapū ka whakamahia e kōrua ko tō hoa.

Ko te painga pea o te pūkoro ure hei ārai hapū, he māmā te whakamahi, ka ārai hoki i te mate paipai.

I ngā rā o mua kāore i tino whakamahia he ārai hapū.

Ko te tikanga haukoti te momo ārai hapū e tino whakamahia ana. I ēnei momo ka aukatia te kōkuhu o te tātea o te tāne ki te kākano o te wahine:

Ko te pūkoro ure. Ka meatia ki runga i te ure tora i mua i te aitanga. Ka hopungia te tātea ka tuhaina e te tāne, kia kore ai e uru ki te tara o te wahine.

Ko te pātātea. He hanga ka whakaurua ki te tara o te wahine, he momo pātū kia kore ai e uru atu he tātea ki te waha kōpū.

Ko tā ngā momo āraihapū taiaki nei, he aukati i te tukukano o te wahine:

Ko te pire āraihapū. He taiaki kei roto i tēnei pire hei haukoti i te rerenga ikura ā-marama o te wahine, arā, he aukati i te tukukano.
Ko te rore āraihapū. He hanga e uhia ana ki te taiaki, ka whakaurua ki te kōpū o te wahine, ko tāna he haukoti i te āhei o te tātea ki te whakatō i te kākano.