Pūtaiao

ara iahiko

electrical circuit

tūingoa

WHAKAMĀRAMA

Koia nei te ara amio e rere ai ngā irahiko, mai i tētahi puna hiko (pērā i te pūhiko) ki tētahi pūrere hiko (pērā i te pūrama), ā, ka hoki anō ai ki te puna hiko. I roto i ngā pūrere, ka hurihia te pūngao hiko hei pūngao kē atu, pērā i te oro, te aho, te pōkākā, te pūngao autō rānei. I te nuinga o ngā ara iahiko, mā te waea e kawe te iahiko huri noa i te ara.

A pathway which carries electrons from a source of electrical energy (such as a battery) to electrical devices (such as a bulb) and back to the source. In the electrical device, the electrical energy is changed into another form of energy such as sound, light, heat or magnetic energy. In most circuits, wires carry the electric current around the circuit.

Tauira KŌrero

Hangaia he ara iahiko, kia rua ngā pūrama ki roto.

Inea te iahiko e rere ana i te ara iahiko.

Ko hea te wāhi hei whakauru i tētahi pana i te ara iahiko?

WhakamĀrama Āpitihanga

Koia nei ngā tohu mō ētahi pūrere māmā:

He hoahoa ara iahiko māmā tēnei:

He ara whakarara tēnei. He peka tō tēnā pūrama, tō tēnā e hono atu ana ki te pūhiko:

He ara hātepe tēnei. E whaiwhai ana tētahi pūrama i tētahi i roto i te rerenga kotahi:

Mēnā he hātepe te noho mai o ngā pūrama i te ara iahiko, kāore i te pērā rawa te kaha o te kā, nā te mea ka wehea te ngaohiko ki ngā pūrama katoa. Mēnā he whakarara te noho mai o ngā pūrama, ka haere te ngaohiko ki ia pūrama takitahi (ko ia pūrama e hono tōtika ana ki te pūhiko), nō reira he kanapa tonu te kā.

Mēnā ka wera, ā, ka weto tētahi o ngā pūrama i te ara hātepe, ka weto ngā rama katoa nā te mea kua kore te iahiko e rere amio. Engari, ki te weto tētahi o ngā pūrama i te ara whakarara, ka kā tonu ērā atu o ngā pūrama nā te mea ka haere tonu te iahiko mā ia peka o te ara.

Takenga Mai

ara - pathway

ia - current

hiko - electricity

Tauira KŌrero

Hangaia he ara iahiko, kia rua ngā pūrama ki roto.

Inea te iahiko e rere ana i te ara iahiko.

Ko hea te wāhi hei whakauru i tētahi pana i te ara iahiko?