Te Reo Matatini

whakaora reo

language revitalisation

tūingoa

WHAKAMĀRAMA

Ko ngā mahi hei whakapiki i tētahi reo o te tokoiti, e aukatihia ai te heke o taua reo, kia tokomaha ake ōna kaikōrero, kia whānui ake ngā whaitua me ngā horopaki kōrero, kia kounga ake te kōrerotia o taua reo.

The efforts to advance a minority language, to stop its decline, so that there are more speakers, a broader range of domains and contexts for its use, and enhanced quality.

Tauira KŌrero

Inahea te iwi i tino tahuri ai ki te hāpai i ngā mahi whakaora reo?

Ina tirohia ngā kaupapa whakaora reo o tāwāhi, tērā e kitea ētahi āhuatanga hei āwhina i te whakaoratanga o te reo Māori.

Ko te whakatairanga i te reo ki ngā wāhi tūmatanui tētahi peka o te mahi whakaora reo.

WhakamĀrama Āpitihanga

E toru ngā peka matua o te whakamahere i te whakaoratanga o tētahi reo:

Ko te whakamahere putunga kupu, arā, ko ngā momo mahi pērā i te waihanga kupu hou, te whakaora kīanga o nehe me te pūmau tonu ki ngā whakatakotoranga ake o te reo.
Ko te whakamahere mana reo, arā, ko ngā momo mahi e whai mana ai te reo, e whakamahia ai te reo i roto i ngā horopaki rerekē (pērā i te hangarau), me ngā wāhi (pērā i te kāinga, i te marae, i te kura me ngā wāhi tūmatanui).
Ko te whakamahere hopu reo, arā, ko ngā huarahi e hopukina ai, e ākona ai te reo, pērā i te tuku ihotanga o te reo i roto i te whānau me ngā momo kaupapa ako reo o te hapori, o te kura, o te whare wānanga.

KUPU KĒ ATU

whakarauora reo

Tauira KŌrero

Inahea te iwi i tino tahuri ai ki te hāpai i ngā mahi whakaora reo?

Ina tirohia ngā kaupapa whakaora reo o tāwāhi, tērā e kitea ētahi āhuatanga hei āwhina i te whakaoratanga o te reo Māori.

Ko te whakatairanga i te reo ki ngā wāhi tūmatanui tētahi peka o te mahi whakaora reo.