WhakamĀrama Āpitihanga
Ko ētahi momo whakamātau mārohirohi e mōhiotia whānuitia ana:
- Ko te oma kōpiko. Ka tāruarua te omaoma i waenganui i ētahi pae e 20 mita te tawhiti o tētahi i tētahi. Ka tākina te oma a te tangata, arā, me oti ia tāruatanga o te 20 mita i mua i te pakō o tētahi oro, ka kīia he pīpī. Koirā hoki i tapaina ai tēnei whakamātau, he whakamātau pīpī. Ka hohoro haere te tāruarua o tēnei oro, nō reira ka hohoro haere te omaoma a te tangata. Kia pau rā anō te hau, kia kore rā anō e rite tahi te omaoma a te tangata me te pakō o te oro, kātahi ka mutu te whakamātau.
- Ko te peke poutū. Hei ine tēnei whakamātau i te kaha o ngā uaua o ngā waewae. Ka tū te tangata ki te taha o te pātū, ka toro whakarunga tētahi o ōna ringaringa. Kātahi ia ka peke, ā, ko te teitei ka taea e ia, koirā hei tohu i tana kaha ki tēnei whakamātau.
- Ko te whakamātau kukuringa. Ko tā tēnei whakamātau he tohu i te pakari o te ringa me ngā uaua o te kikowhiti. I te nuinga, ko te kuku o te ringa hei tohu i te pakari whānui o te tinana.
