!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

waka ama

outrigger canoe

tūingoa

WHAKAMĀRAMA

He momo waka e kitea nuitia ana i Te Moana-nui-a-Kiwa. Ka aukahatia he hanga ki ētahi kīato e toro ana ki te taha o te tīwai, koia hei whakawhena, e pai anō ai tōna pūrewa i te wai. Ka kīia tērā hanga, he ama. Ko te tauwhawhai waka ama tētahi hākinakina e tino whāia ana e te ao Māori.

A type of canoe that is seen widely in the Pacific. A contraption, called an outrigger, is lashed to cross arms which extend out to the side of the main hull, and these stabilise the canoe and give it buoyancy. Outrigger canoe racing is a sport that is widely pursued in the Māori world.

Tauira KŌrero

Ki hea ngā whakataetae waka ama ā-motu ā tērā tau e hoa?

Kua hokona e te kura he waka ama hou, he mea hanga ki te kaka kōata.

Kua tino pakari tana tinana i muri mai i tana urunga atu ki te waka ama, waihoki kua tino mauri tau tōna āhua.

WhakamĀrama Āpitihanga

Koia nei ngā wāhanga o te waka ama:

Koia nei ngā wāhanga o te hoe waka ama:

Mai i te tahi ki te ono ngā kaihoe o tētahi waka ama. Koia nei ngā mahi a ngā kaihoe o tētahi waka e ono ōna kaihoe o runga:

  • Paetahi (kei te ihu o te waka): Ko ia te kaitaki, ko ia e taki ana i te tere o te hoe. Māna hoki e tīrau te ihu o te waka.
  • Paerua (kei muri i te paetahi): Ko ia e whai mārire ana i te tere o te hoe a te paetahi, hei whai mā ngā kaihoe kei muri i a ia (e hoe rā i taua taha o te waka e hoe ana ia). Māna anō e tīrau te ihu o te waka i ngā huringa.
  • Paetoru me te Paewhā: Ko rāua ngā pūkaha o te waka. Ā, ko te tikanga ko tētahi o rāua te kaituki, māna e karanga kia whakawhitia te taha o te waka e hoe ana ngā kaihoe.
  • Paerima: Māna e tīrau te kei o te waka i ngā huringa, māna hoki e āwhina ngā pūkaha.
  • Paeono: Ko ia tēnei ko te kaiurungi, ko ia e hāpai ana i te urungi (ka kīia hoki he hoe ārahi). Ko tōna wāhi noho ko te kei o te waka, e kite pai ai ia e ahu pēhea ana te waka. He wā anō māna ōna hoa e tohutohu, inā hoki ko ia e kite ana i ērā atu kaihoe katoa, e ahu pēhea ana hoki te ihu o te waka.

Koia nei ētahi momo hoenga:

  • Ko te titi. He mahi tēnei a te paetahi i te wā e hurihia ana te waka. Ka toro whakamua, ka poua tana hoe ki te wai, ā, ka purihia ki reira.
  • Ko te poutiti. He hōhonu te poua o te hoe ki te wai, ka purihia ai. Koia hei whakatū i te waka.
  • Ko te tīrau. Ka whātoro atu ki te taha, ā, ka tōia whakaroto, arā, ka tōia te wai ki raro i te waka. I te nuinga o te wā, koia te mahi a te paetahi me te paerua hei huri i te anga o te waka.
  • Ko te hoe whakamuri. Ka whakaurua te rapa o te hoe ki muri, ā, ka panaia whakamua.

E toru ngā wāhanga o tētahi hoenga:

  • Ko te pounga. Ka whātoro whakamua, ā, ka whakaurua te rapa o te hoe ki roto i te wai.
  • Ko te . Ka tōia whakamuri te hoe, mā reira e kōpanaia whakamua ai te waka.
  • Ko te putanga. Ka hīkina te hoe ki runga ake i te kārewa o te wai i te mutunga o te hoenga.

Tauira KŌrero

Ki hea ngā whakataetae waka ama ā-motu ā tērā tau e hoa?

Kua hokona e te kura he waka ama hou, he mea hanga ki te kaka kōata.

Kua tino pakari tana tinana i muri mai i tana urunga atu ki te waka ama, waihoki kua tino mauri tau tōna āhua.

WhakamĀrama Āpitihanga