Te Reo Matatini

tautohetohe ~a

debate

tūingoa, tūmahi

WHAKAMĀRAMA

Ko te whakawhitiwhiti kōrero ōkawa, e arohia ai ngā taha katoa o tētahi kaupapa, ōna painga, ōna hapa, ngā whakaaro taunaki, ngā whakaaro whakahē. I te nuinga o te wā, he tūmatanui te tautohetohe hei whakarongo mā te marea.

A formal discussion in which all sides of a topic are considered, advantages and disadvantages, supporting and opposing arguments. Usually they are conducted in a public forum.

Tauira KŌrero

He tautohetohe nui kei te haere i te marae.

E whā haora e tautohetohetia ana te kaupapa, kātahi ka puta te whakatau a te hui.

He pūkenga ōna ki te tautohetohe, ki te whakawhere i te hunga whakarongo.

WhakamĀrama Āpitihanga

Ko te tautohetohe hei ingoa mō te whakataetae ka whakatūria ki waenganui i ētahi kapa e rua, ko tētahi kapa ka whakaae atu ki te kaupapa o te tautohetohe, ko tētahi ka whakahē. E toru ngā tāngata o ia kapa, he tauutuutu te haere o ngā kōrero. He wā ka tukuna ki ia kaikōrero hei whakaputa māna i ōna whakaaro e tautoko ana, e whakahē ana rānei i te kaupapa. Kātahi ka hoki anō ki te kaikōrero tuatahi o ia kapa hei whakarāpopoto i ngā kōrero. Ko te whāinga o te tautohetohe, ko te whakangahau, te whakawhere rānei i te hunga whakarongo, kia toa anō hoki tētahi kapa i tētahi. Mā te kaiwhakawā tērā e whakatau! I tua atu i ērā, ko te rekareka, te hōhonu me te rawe o te reo me te whakapakari anō i te tangata ki te whakairo i ana kupu, ki te waihanga i ōna whakaaro.

KUPU KĒ ATU

taukumekume

Tauira KŌrero

He tautohetohe nui kei te haere i te marae.

E whā haora e tautohetohetia ana te kaupapa, kātahi ka puta te whakatau a te hui.

He pūkenga ōna ki te tautohetohe, ki te whakawhere i te hunga whakarongo.

WhakamĀrama Āpitihanga