!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

hōkaka ~ina ~tanga

sexual desire, sexual attraction

tūingoa, tūmahi whiti

WHAKAMĀRAMA

Ko te kūmea o te tangata, ko tana hiahia ki tētahi atu, nā runga i te puea ake o te hia ai, o te hia mahi hōkaka kē atu rānei me taua tangata rā. He āhuatanga ka rangona i te hinengaro, i te whatumanawa, i te tinana o te tangata, ko te nanawe taihema te hua.

The pull or desire of a person towards another because of a wish to engage in sexual activity with them. It is a desire that is felt in a person's mind, heart and body, and results in sexual arousal. 

Tauira KŌrero

He mea nui kia mārama ā tātou taiohi ki te puea ake o tēnei mea te hōkaka i te wā o te pūhuruhurutanga.

He rerekē te kaha me te āhua o te hōkaka ka rangona e tēnā, e tēnā.

Ko tētahi akoranga nui i te wā e taiohi ana, me pēhea te āta whai, te āta whakatutuki i te hōkaka, i runga i te ngākau whakaute ki te tangata e hōkakaina ana.

WhakamĀrama Āpitihanga

Ko ētahi momo aronga hōkaka:

  • Ko te piriaro. Koia ko te wahine mate tāne, ko te tāne mate wahine rānei. Arā, ka hiahia ki te taihema tauaro.
  • Ko te takatāpui. Koia ko te wahine mate wahine, ko te tāne mate tāne rānei. Arā, ko te hiahia ki te taihema ōrite, ki te ira e ōrite ana ki a ia.
  • Ko te hōkakarua. Ko te hiahia o te tangata ki ngā taihema e rua, arā ki te wahine me te tāne.
  • Ko te hōkakarere. Ka rerekē te hōkaka o te tangata i te takanga o te wā, ka rerekē rānei i runga i tana urupare ki tētahi pūāhua.

Ko te tangata kāore e rongo i te hōkaka ki tangata kē, ka kīia he hōkakakore.

Arā kē ngā kupu hei whakaahua i te whakamanea, i te hōkaka o tētahi tangata ki tētahi, mai i te māmā ki te ngoto. Koia nei ētahi:

  • Ko te pai. He kore, he māmā noa iho rānei te hōkaka ki tangata kē, engari ka hiahiatia, ka paingia hei hoa noa iho, kāore hei hoa mahi hōkaka.
  • Ko te wewehe. Ka pupū ake te aroha ki tangata kē, te kōingo ki a ia, ā, ka rangona te hōkaka i roto i taua aroha rā. Ko te tangata e arohaina ana, ko ia te kaitokomauri o te tangata e wewehe ana.
  • Ko te mate kanehe, ko te pohane rānei. Kāore e ārikarika te hia ai me te tangata e hōkakaina ana.

Ko te whakaipoipo te mahi a te tangata e rongo ana i te hōkaka ki tangata kē, arā, ka whāki, ka whakaatu i tana hiahia ki taua tangata rā. Ka tutuki pea tana hōkaka mēnā ka pai te urupare a taua tangata ki tana whakaipoipo, ā, ka whakawhaiāipo rāua ki a rāua.

Ko te kairoro, ko te makau, ko te tahu, ko te ipo ētahi ingoa mō te hoa ai, mō te hoa whakatutuki i tēnei mea te hōkaka.

KUPU KĒ ATU

taera

Tauira KŌrero

He mea nui kia mārama ā tātou taiohi ki te puea ake o tēnei mea te hōkaka i te wā o te pūhuruhurutanga.

He rerekē te kaha me te āhua o te hōkaka ka rangona e tēnā, e tēnā.

Ko tētahi akoranga nui i te wā e taiohi ana, me pēhea te āta whai, te āta whakatutuki i te hōkaka, i runga i te ngākau whakaute ki te tangata e hōkakaina ana.

WhakamĀrama Āpitihanga