Pūtaiao

raupapa kame

food chain

tūingoa

WHAKAMĀRAMA

He hoahoa e whakaatu ana i ngā rauropi e noho ana ki tētahi wāhi, me te kainga o wai e wai. Ko tētahi tipu (pūkame) kei te tīmatanga o ia raupapa kame, kātahi ko ngā kīrehe (kaikame). E kitea ana i tētahi raupapa kame te whakawhitinga o te pūngao o roto i te kai ka takea mai i te pūkame.

A diagram which shows the organisms present in a particular habitat and who eats who. A plant (producer) is at the beginning of each food chain, followed by the animals (consumers). The transfer of energy contained in the food originating from the producer is seen in the food chain.

Tauira KŌrero

He aha te wāhi ki te kererū i te raupapa kame?

Rārangihia ngā kaikame o te raupapa kame.

Ko te hua o te miro te pūkame o tēnā raupapa kame.

WhakamĀrama Āpitihanga

He tauira raupapa kame tēnei e whakaatu ana i ētahi o ngā rauropi e noho ana ki te māra kai. Ko tā ngā pere he whakaatu i te whakawhitinga o te pūngao o roto i te kai – ka tīmata mai i te mea e kainga ana, ā, ka rere ki te rauropi nāna i pau ai taua kai:

Ka kīia he pūkame te kāpiti, he kaikame te ngo, te ngoikura me te pūngāwerewere.

E rua ngā momo kaikame, ko te kaiota me te kaikiko. I roto i te raupapa kame i runga nei, ko te ngo te rauropi kaiota, ko te ngoikura me te pūngāwerewere ngā kaikiko.

He maha ngā raupapa kame o te nōhanga kotahi. Ko te nuinga o ngā tipu me ngā kīrehe e kainga ana e ētahi atu kīrehe maha. Ina whakaaturia ngā raupapa maha o tētahi nōhanga ki te hoahoa kotahi, ka kīia he māwhaiwhai kame tērā whakaaturanga. Kei raro nei te māwhaiwhai kame e takea mai ana i te kāpiti:

Takenga Mai

raupapa - put in order

kame - eat, food

Tauira KŌrero

He aha te wāhi ki te kererū i te raupapa kame?

Rārangihia ngā kaikame o te raupapa kame.

Ko te hua o te miro te pūkame o tēnā raupapa kame.

WhakamĀrama Āpitihanga