WhakamĀrama Āpitihanga
Koia nei ētahi huarahi whakaoti rapanga:
- ko te whakaputa whakaaro noa, te arotake me te whakatōtika i te whakaaro;
- ko te whakaari i te rapanga (arā, te whakamahi rauemi);
- ko te tuhi whakaahua hei whakaatu i te rapanga (arā, he pikitia, he hoahoa, he mahere rānei);
- ko te whakarārangi (te raupapa, te tuhi tūtohi, kauwhata rānei);
- ko te kimi tauira;
- ko te mahi whakamuri.
Hei tauira ēnei o te rapanga pakitau:
E 46 ngā māpere a Api, e 58 ā Mihi. E hia katoa ngā māpere a te tokorua nei?
E 8 ngā wehenga o te parehe kotahi. E 3 ngā parehe hei kai mā ētahi tāngata tokorima, kia ōrite te whiwhinga a tēnā me tēnā. E hia ngā wehenga parehe ki ia tangata? E hia ngā wehenga e toe ana?