Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
X
Ngā Mahi a te Rēhia
paki
story, fiction, yarn, story telling
tūingoa
Paekupu
WHAKAMĀRAMA
He kōrero ka puta i te hinengaro auaha o te tangata, kāore i pono.
A story emanating from a person’s imagination that is not factual.
Tauira KŌrero
Kei a ia mō te kōrero paki, mō te whakamōmona i te kōrero, kāore i tua atu!
I tino kitea te kaupapa o te paki i roto i tā rātou kanikani.
WhakamĀrama Āpitihanga
He maha ngā momo paki rerekē, pēnei i te paki pohewa, te paki mātātoa, te paki pohopā me te paki aronehe, ā, he rerekē te āhua o te tuhi, o te kōrero rānei i tēnā momo, i tēnā momo. Ka whakaaturia te paki i roto i ngā momo toi maha pērā i te whakaari, te pakimaero, te kiriata, te kanikani, te toi ataata me te waiata.
Ko te tāhū o te paki, koirā ngā mahi matua ka hua ake i roto i te roanga atu o te paki.
Ko te kaupapa o te paki, koirā te take matua, te whakaaro matua rānei e kawea ana, e whakaaturia ana i roto i te paki.
Ko ngā kiripuaki, koirā ngā tāngata e kawe ana i ngā mahi o roto i te paki.
Ko te takiwā, koirā te wā me te wāhi e noho mai ana ngā kiripuaki me ā rātou mahi.
He akoranga kei roto i ētahi paki hei whakaaroaro mā te kaipānui, te kaiwhakarongo rānei, ā, ka kīia tērā ko te iho o te paki, ā, ko te kōrero tara tērā momo paki.