WhakamĀrama Āpitihanga
Hei tauira o te ōrautanga:
Ko koe te tāroaroa tuawhā o roto i tētahi huinga tāngata e 20. 16 ngā tāngata he poto ake i a koe. Ko te 80% tēnei o ngā tāngata 20 (16/20 = 80%). Mēnā 1.73m tō tāroaroa, ko te 1.73m te ōrautanga 80 o tēnei huinga raraunga:
Ko te hauwhā raro (hauwhā tuatahi), te tau waenga (hauwhā tuarua), me te hauwhā runga (hauwhā tuatoru) ētahi ōrautanga motuhake i te mahi tauanga. Mēnā ka whakaraupapahia tētahi huinga raraunga tau mai i te iti ki te rahi, e 25% o ngā raraunga ka noho ki raro iho i te hauwhā raro, e 50% ki raro iho i te tau waenga, e 75% ki raro iho i te hauwhā runga. Hei tauira:
Koia nei te raupapatanga o ngā tapeke hahau pōro a ētahi tāngata: 74, 76, 77, 78, 79, 79, 80, 80, 82, 83, 85, 87
Ka wehea kia hauwhā tēnei huinga raraunga:
Ko te 77.5 te hauwhā raro nā te mea e 25% o ngā raraunga kei raro i te 77.5, e 75% kei runga ake.
Ko te 82.5 te hauwhā runga nā te mea e 25% o ngā raraunga kei runga ake i te 82.5, e 75% kei raro iho.
Ko te āwhata-iwa tētahi momo rāwekeweke i tētahi huinga raraunga taketake. Ka hurihia ia raraunga taketake hei tauwhata i te āwhata-iwa. Ka whai anō hoki te āwhata-iwa i te tuari māori. Arā:
| Tauwhata | Te ōrau o ngā raraunga |
| 1 | 4% - ngā raraunga iti rawa atu |
| 2 | 7% |
| 3 | 12% |
| 4 | 17% |
| 5 | 20% - ngā raraunga o waenganui |
| 6 | 17% |
| 7 | 12% |
| 8 | 7% |
| 9 | 4% - ngā raraunga nui rawa atu |
