kaupeka o te tau

season

WHAKAMĀRAMA

E whā ngā tino wāhanga o te tau, he rerekē anō te āhuarangi o tēnā me tēnā. He rerekē te āhuarangi nā te tītaha o te pou tāwhirowhiro o Papatūānuku, ā, nā tēnei, ka rerekē anō te whiti mai o ngā hihi o Tamanuiterā ki tēnā wāhi o Papatūānuku, ki tēnā.

There are four distinct parts of the year, each having a characteristic climate. The climate is different because of the tilt in the Earth’s axis and therefore the amount of sunlight reaching different parts of the Earth’s surface.

Tauira KŌrero

He aha i rerekē ai te āhuarangi o tēnā kaupeka o te tau, i tēnā?

Rangahautia ngā ingoa huhua mō ngā kaupeka o te tau.

Kāore e tino rerekē te āhuarangi o ngā kaupeka o te tau i ngā wāhi e pātata ana ki te weheruatanga o te ao.

WhakamĀrama Āpitihanga

Arā ngā ingoa huhua o tēnā iwi, o tēnā iwi mō ngā kaupeka o te tau. Anei ētahi:

Ngā ingoa	Te whakamārama
hōtoke, takurua, makariri, mākeremumu, pipiri, uruao	Te wāhanga mātao rawa o te tau, he mākū anō hoki. I Aoteraroa, ko ngā marama o Pipiri, o Hōngongoi, o Hereturikōkā.
kōanga, aroaromahana, mahuru	Te wāhanga o te tau i muri mai i te hōtoke, ka mahana haere te whenua me te hau takiwā. Ko ngā marama o Mahuru, o Whiringa ā-nuku, o Whiringa ā-rangi ki Aoteraroa.
raumati, arawheu, matiti	Te wāhanga mahana rawa o te tau, he iti hoki te heke o te ua. I Aotearoa, ko ngā marama o Hakihea, o Kohitātea, o Huitanguru.
ngahuru, tokerau	Te wāhanga o te tau i muri mai i te raumati, ka tīmata te mātao haere o te whenua me te hau takiwā, he kaha hoki te pupuhi o te hau. Ko ngā marama o Poutūterangi, o Paengawhāwhā, o Haratua ki Aoteraroa.

I te hōteke, he tawhiti tonu te pito tonga o te ao i te Rā nā te tītaha o te pou tāwhirowhiro o Papatūānuku, nō reira he wā makariri ki reira. I te raumati, he tata tonu te pito tonga o te ao ki te Rā, nō reira he mahana ki reira:

He aha i rerekē ai te āhuarangi o tēnā kaupeka o te tau, i tēnā?

Rangahautia ngā ingoa huhua mō ngā kaupeka o te tau.

Kāore e tino rerekē te āhuarangi o ngā kaupeka o te tau i ngā wāhi e pātata ana ki te weheruatanga o te ao.