Hauora

kauawhi ~tia ~tanga

inclusion, inclusive, inclusiveness

tūingoa, tūāhua, tūmahi whiti

WHAKAMĀRAMA

Ko te tū, ko te mahi a te hapori, a te whenua whānui, a tētahi rōpū rānei, kia whai wāhi mai ai ōna tāngata katoa ki ngā painga, ki ngā rawa, ki ngā mahi o taua hapori, o taua whenua, o taua rōpū rānei, kia whai reo anō ai ki te āhua o ngā whakahaere.

The position and actions of a community, of a country or group to ensure that all of their people can participate in and have access to the benefits, the resources and activities of that community, country or group, and have a voice in how things are managed.

Tauira KŌrero

Mā roto i ngā whakahaere o te hapori kauawhi e māmā ake ai te noho o te tangata pōhara.

Ahakoa ko wai te ākonga, ahakoa ōna āhuatanga motuhake, he mea nui kia kauawhitia ia i roto i ngā whakahaere a te kura.

He aha e kīia ai tētahi mahi he mahi kauawhi i roto i te ao hauora?

WhakamĀrama Āpitihanga

Ko te kaupare te tauaro o te kauawhi. Koia ko te kore, ko te uaua rānei o te whai wāhitanga atu a te katoa ki ngā painga o te rōpū, o te whenua, o te hapori, mātua rā ko te hunga rawakore, ko te hunga tōhore.

I ētahi porihanga, i ētahi pūnaha kāwanatanga, i ētahi rōpū rānei, ka kauparetia ētahi tāngata, ētahi iwi rānei. Kāore e arohia ō rātou uara, ā rātou tikanga, tō rātou oranga i roto i ngā whakahaere. Ka kīia he tōhore ērā tāngata, ērā iwi rānei, he porihanga kaupare aua porihanga. Ko te hunga ka kauawhitia ka kīia he momoho.

Arā kē ngā horopaki whakamahi i te kupu nei, te kauawhi, koia nei ētahi:

  • Ko te kura kauawhi, ko te ako kauawhi me te akoranga kauawhi. Katoa ēnei e pā ana ki te whai wāhi atu, te hihiri me te angitu o ngā tamariki katoa ki tēnei mea te mātauranga. Ka hāpaitia ō rātou āhua motuhake, ō rātou ahurea, ō rātou reo, ō rātou tuakiri i roto i ngā whakahaere o te kura, o te pūnaha mātauranga, me te āhua anō o te ako i te akomanga.
  • Ko te hautūtanga kauawhi. Ko tā te kaihautū kauawhi, he whakamana i tana rōpū kia whai wāhi mai ai ki roto i ngā whiriwhiringa whakatau i ngā take mō te rōpū.
  • Ko te ahurea kauawhi. Ko te āhua, ko ngā tikanga a tētahi pakihi, o tētahi kura, o tētahi rōpū rānei, inā ka whai reo ōna tāngata ki ngā whakahaere, ā, ka hāpaitia te kanorautanga.

Takenga Mai

kauawhi - to embrace

Tauira KŌrero

Mā roto i ngā whakahaere o te hapori kauawhi e māmā ake ai te noho o te tangata pōhara.

Ahakoa ko wai te ākonga, ahakoa ōna āhuatanga motuhake, he mea nui kia kauawhitia ia i roto i ngā whakahaere a te kura.

He aha e kīia ai tētahi mahi he mahi kauawhi i roto i te ao hauora?

WhakamĀrama Āpitihanga