kani ā-ringa

handsaw

WHAKAMĀRAMA

He taputapu hei tapahi rākau, hei tapahi rawa mārō kē atu rānei pērā i te rino me te kirihou. He niho ōna, ā, ka mau ki te ringa. Mā te auau o te pana whakamua i te kani me te tō whakamuri e tapahia ai te rawa.

A tool for cutting wood and other hard materials such as iron and plastic. It has teeth and is held in the hand. The material is cut by repetitively pushing the saw forward and pulling it back.

Tauira KŌrero

Me āta pana te kani ā-ringa i te tuatahi kia tīmata pai ai te tapahanga, kia kore ai e tipitaha.

Mēnā e koi ana ngā niho o te kani ā-ringa he māmā noa iho tana kai i te rākau.

Kāore pea i tika tēnā momo kani ā-ringa hei tapahi i te rākau kahikatea, he marore nō te kakano o te rākau nei.

WhakamĀrama Āpitihanga

Koia nei ētahi o ngā momo kani ā-ringa e whakamahia whānuitia ana:

kani tāmaku - hei tapahi whakahāngai i te kakano o te poro rākau
kani kōhao ā-ringa - hei tapahi kōhao
kani whakaniko - hei tapahi kōpiko
kani whai tuarā - he matarehu ngā niho kia māeneene te mata tapahi o te rākau
kani maitai - hei tapahi maitai

I konei e haratua ana te tapahi i te tūporo, arā, he whakarara ki te ahu o tōna kakano. Ka kīia e kōreparepatia ana te rākau, ā, he kani kōreparepa te kani e tika ana mō tēnei mahi:

I konei e tāmaku ana te tapahi i te poro rākau, arā, he whakahāngai ki te ahu o tōna kakano. E whai tuarā ana tēnei momo kani kia mārō ai te mata.

Kua kania tāmakuhia tēnei tūporo, ā, e kitea ana te hae tāwekoweko o te kakano. I pēnei pea nā te pūhoi o te kani, nā te kore rānei i āta kania:

Kua hipokina ngā niho o tēnei kani kia kore ai e tīhaea te ringa whakapā, waihoki kia kore ai e pā ki tētahi mea e pūhoi ai ngā niho:

Me āta pana te kani ā-ringa i te tuatahi kia tīmata pai ai te tapahanga, kia kore ai e tipitaha.

Mēnā e koi ana ngā niho o te kani ā-ringa he māmā noa iho tana kai i te rākau.

Kāore pea i tika tēnā momo kani ā-ringa hei tapahi i te rākau kahikatea, he marore nō te kakano o te rākau nei.