WhakamĀrama Āpitihanga
He kiokio
He kaponga
He rōpū tipu o roto i te ngahere. Mā te pua atua ēnei tipu e whakaputa uri ai. He huhua tonu ngā pua atua ki te mata raro o ngā rau huruwhenua, ā, kawea ai rā runga hau. Ina tau ki tētahi wāhi mākū, taumarumaru hoki, ka whakaputaina he pūtau hema-toa, he pūtau hema-uwha hoki. Mā te hono tahi o ēnei pūtau hema e puta ai he tipu hou. Arā ētahi huruwhenua iti ka tupu i te papa o te ngahere, pērā i te kiokio. Arā anō ētahi huruwhenua nui, pērā i te kaponga. Ko te aruhe hei ingoa mō te pakiaka o ētahi huruwhenua ka kainga e ngā mātua tīpuna, ko te warowaihā te tino kai o roto.
A group of forest plants which reproduce by way of spores. Spores from the underside of a fern’s leaf are dispersed by the wind. In moist and shady locations the spores produce male and female gametes, which combine to produce a new fern. Some ferns are small such as the kiokio. Others such as the kaponga (tree fern) are large. The roots of some ferns were a staple food of the ancestors, containing a rich source of carbohydrates.
Ko ēhea ngā huruwhenua i hauhaketia ai te aruhe hei kai?
Kimihia kia toru ngā momo huruwhenua e tupu ana i tēnei wāhi o te ngahere.
Haere ai te tukanga ahotakakame i roto i ngā rau o ngā huruwhenua.