WhakamĀrama Āpitihanga
E ai ki tā ngā mātanga pūtaiao whakarōpū rauropi, ko te momo te rōpū rauropi iti rawa atu. Ko ngā momo e whanaunga tahi ana, ka kīia he puninga. Ko ngā puninga e whanaunga tahi ana, ka kīia he whānau. Ko ngā whānau e whanaunga tahi ana, ka kīia he pūtoi. Ko ngā pūtoi e whanaunga tahi ana, ka kīia he karangatanga. Ko ngā karangatanga e whanaunga tahi ana, ka kīia he pori. Ko ngā pori e whanaunga tahi ana, ka kīia he mātāmuatanga. Arā te whakapapa:
Hei whakatauira i te pūnaha whakarōpū nei:
Te wehewehenga | Te tangata | Te rango | Te pī (tipu) | Te E.coli (huakita) |
animalia (kīrehe) | animalia (kīrehe) | plantae (tipu) | monera | |
chordata | arthropoda | magnoliophyta | eubacteria | |
mammalia (whāngote) | insecta (pepeke) | magnoliopsida | proteobacteria | |
primate | diptera | fabales | enterobacteriales | |
hominidae | drosophilidae | fabaceae | enterobacteriaceae | |
Homo | Drosophila | Pisum | Escherichia | |
Homo sapiens | Drosophila melanogaster | Pisum sativum | Escherichia coli |
Ko ētahi rauropi, pērā i te paihamu, he mea kawe mai ki Aotearoa ki konei noho ai. Ka kīia ēnei he momo rāwaho.
Ko ētahi rauropi nō Aotearoa, nō ētahi atu whenua hoki, pērā i te pārera. Ka kīia he momo māori ēnei.
Ko ētahi rauropi pērā i te tūī, nō Aotearoa anake, kāore e kitea i whenua kē, ā, ka kīia he momo taketake ēnei.