WhakamĀrama Āpitihanga
He momo huka kei roto i te miraka, ka kīia ko te reihuka. Koia te takenga mai o te pūngao o roto i te miraka me tōna tāwara reka. I ngā huamiraka moī, pērā i te waipupuru, ka wāwāhia te reihuka e te huakita kia puta ai te waikawa miraka moī (rakatete).
He kai tukatuka te nuinga o ngā huamiraka, ko te miraka tikitū anake pea kāore e tukatukatia, ka kainga e te tokoiti.
Ko tētahi tukatukatanga o te miraka:
- Ko te tango i te hinu, mā reira e puta ai he huamiraka hinu iti.
- Ko te miraka tāwera, arā, ka whakaweratia te miraka kātahi ka rere whakamātaotia. Mā reira e pōturi ai te tipu o ngā moroiti tahumaero.
- Ko te miraka hanumi, arā, ka whakahanumitia te kīrimi o roto i te miraka tikitū kia waiwai katoa.
Ko tētahi atu tukatukatanga, ko te tango atu i te pūmua o roto i te miraka, ka kīia ko te pūtepe. Ka kainga te pūtepe hei āpitihanga whiringa kai, ko tāna he whakahaumanu i ngā uaua ruhi o te tangata.
Ko te tīhi tētahi huamiraka matua. Mā te whakawera e kurukuruwhatu ai te miraka, ka āpitihia te reneti, kātahi ka tetepe. Ka pēpēhia, ka waiho mō tētahi wā kia maoa. Arā kē ngā momo tīhi, he tīhi mārō ētahi, he tīhi mohe ētahi, pērā i te pirī, te kamepē me te iarangi.
Atu i te miraka tonu, koia nei ētahi huamiraka:
