tāwara

WhakamĀrama Āpitihanga

Koia nei ētahi momo tāwara:

• Ko te totetote. Ko tā ētahi he āpiti atu i te tote ki ngā momo kai pērā i te hupa kia totetote te tāwara. Ko te kotakota rīwai tētahi tauira o te kai totetote.
• Ko te hīmoemoe. He whakaohooho tēnei tāwara, kāore i reka, engari he pai tonu ki ētahi. Hei tauira o te kai hīmoemoe, ko te kawhe, ko te puananī, ko ētahi amiami.
• Ko te kawa. He whakaohooho hoki tēnei tāwara, kāore hoki i reka, he waikawa kei roto, pērā i te waikawa winika. Hei tauira o te kai kawa, ko te rēmana, ko te waipupuru, me te toroī.
• Ko te pūhahana. He wera tēnei tāwara, he kakati. Hei tauira o te kai pūhahana, ko te pepa, ko te tinitia me ētahi amiami. Mā te āpiti i ēnei whakangako tāwara e pūhahana ai tētahi atu momo kai, pērā i te pīkaokao me te tiu.
• Ko te hinuhinu. Ko ētahi momo tapahanga mīti nui te ngako hei tauira o tēnei tāwara.
• Ko te reka. Koinei te tāwara o te huka me te mīere. He huka kei roto i te nuinga o ngā momo huarākau, nō reira ka kīia he kai reka. Ka āpitihia te huka ki ētahi momo kai maha kia reka ai, pērā i te aihikirīmi, i te parāoa rēwena me te maha o ngā momo kīnaki.

Ka mau tonu te tāwara o ētahi kai ki te arero o te tangata i muri iho i tana horomi i taua kai. Ka kīia tērā ko te tāwara mauroa. Ko te tio, ko te tiakareti, ko te kāriki, ko te whakareka horihori ētahi kai ka noho tonu te tāwara ki te waha.