aroā mokowā

spatial awareness

WHAKAMĀRAMA

Ko te mōhio o te kaikanikani ki te wāhi e tū ana, e neke ana tōna tinana, me te hononga o tērā ki te papa kanikani me kaikanikani kē atu. Ko te aroā mokowā tētahi o ngā huānga matua o te kanikani.

The awareness a dancer has of the space they occupy and move in, and how that relates to the dance area and other dancers. Spatial awareness is one of the principal elements of dance.

Tauira KŌrero

He rawe te aroā mokowā o te nuinga o ngā kapa - i kapi i a rātou te katoa o te atamira i ā rātou nekeneke.

Ko te aroā mokowā tētahi pūkenga matua hei ako mā te kaikanikani.

Me pēhea te whakapakari i te aroā mokowā o te ākonga?

WhakamĀrama Āpitihanga

Koia nei ētahi āhuatanga ka taka ki tēnei whakarōpūtanga o ngā huānga kanikani:

Ko te aronga o te kaikanikani, arā, e aro atu ana tōna mata ki hea. Hei tauira o ētahi aronga rerekē:

Ko te ahunga o āna nekeneke, pērā i te whakamua, te whakamuri me te hauroki.

Ko te taumata o āna nekeneke, pērā i ngā nekeneke e pātata ana ki te papa, arā, he neke hahaka (te ngaoki me te hīkoi pāpaka/pepeke); ngā nekeneke e toro atu ana ki te rangi, arā, he neke teitei (te hāro me te peke); ngā taumata o waenganui. Hei tauira o ēnei taumata nekeneke:

Hei tauira o ngā taumata nekeneke i te kapa haka:

Ko te ara o te nekeneke, pērā i te ara amio, te ara kōpiko, te ara kōpekapeka, te ara hauroki me te ara torotika. Hei tauira o ētahi:

Ara amio:

Ara hauroki:

Ara kōpiko:

Ko te wāhi i te papa kanikani, pērā i te kokonga, i te taha me te pae mua o te papa. Ko te wāhi hoki e hou mai ai, e puta ake ai te kaikanikani i te atamira. Hei tauira: