WhakamĀrama Āpitihanga
Ko te ara hītōria tētahi huarahi e puritia ai, e pāhotia ai ngā kōrero aronehe o tētahi wāhi. Hei tauira tēnei o tētahi papa kōrero i te ara hītōria i te tahatika o te awa o Manawatū:
Ko te whakamaharatanga tētahi atu momo whakanui i te hītori o tētahi wāhi. He nui ngā whakamaharatanga huri i Aotearoa e whakanui ana i ngā hōia i haere ki ngā pakanga o te ao. Hei tauira:
Arā hoki ngā whakapakoko e whakanui ana i tētahi tipuna. He maha ngā whakapakoko kei ngā tāone o te motu e whakanui ana i tētahi kaitāmi Pākehā, pēnei i a George Grey, me te tohe a ētahi kia turakina aua whakapakoko rā.
He whakapakoko tēnei e whakanui ana i te tipuna rongonui o Rangitāne ki Manawatū, i a Te Peeti Te Awe Awe, me āna kupu ōhākī, Kua kaupapa i a au te aroha, mā koutou e whakaoti: