Pāngarau

whakawehe ~a ~nga

divide, division (÷)

tūingoa, tūmahi whiti

WHAKAMĀRAMA

Ko te whakawehe tētahi o ngā paheko tau matua. Ina whakawehea tētahi huinga, ko te whiriwhiri i ngā rōpū iti o roto i taua huinga te mahi. Mēnā 12 ngā āporo, ā, ka whakawehea ki ngā tamariki tokowhā, e toru āporo te whiwhinga a ia tamaiti. He paheko kōaro te whakawehe me te whakarea.

Division is one of the number operations. Dividing a set of objects involves putting those objects into groups. If there are 12 apples to be divided among 4 children, each child gets three. Division and multiplication are inverse operations.

Tauira KŌrero

Whakawehea te tekau ki te rima, ka rua (10 ÷ 5 = 2).

E iwa, whakawehea ki te toru, ka toru (9 ÷ 3 = 3).

Ka taea te 18 te whakawehe pū ki te 3?

WhakamĀrama Āpitihanga

Koinei ngā wāhanga o tētahi whakawehenga:

Kia pēnei te whakahua i te whakawehenga i runga nei:

  • Whakawehea te tekau mā waru ki te ono, ka toru.
  • Tekau mā waru, whakawehea ki te ono, ka toru.

Arā ētahi whakawehenga karekau he toenga. He whakawehenga māmā ēnei:

14 ÷ 7 = 2 35 ÷ 5 = 7 64 ÷ 8 = 8 60 ÷ 3 = 20

Arā ētahi anō whakawehenga he toenga ka hua mai. Hei tauira, mēnā ka whakawehea ngā āporo 13 ki ngā tāngata tokoono, e 2 te whiwhinga a ia tangata, ā, kotahi te āporo ka toe mai. Anei anō ētahi tauira o te whakawehenga whai toenga:

17 ÷ 4 = 4 (toenga 1) 21 ÷ 6 = 3 (toenga 3) 38 ÷ 5 = 7 (toenga 3)

He maha ngā rautaki wāwāhi tau hei whakaoti rapanga whakawehe. Tirohia https://paekupu.co.nz/word/rautaki-wawahi-tau.

Tauira KŌrero

Whakawehea te tekau ki te rima, ka rua (10 ÷ 5 = 2).

E iwa, whakawehea ki te toru, ka toru (9 ÷ 3 = 3).

Ka taea te 18 te whakawehe pū ki te 3?

WhakamĀrama Āpitihanga