Te Reo Matatini

whakakāhore ~tia ~tanga

negate, negation

tūingoa, tūmahi whiti

He rerenga kōrero, he aho, he kīanga kōrero rānei e whakaatu ana i te korenga o tētahi mahi, o tētahi āhua rānei.

A sentence, clause or phrase expressing that something did not happen or does not have a particular characteristic.

Whakakāhoretia tēnei rerenga kōrero.

He aha koe i tuhi ai i tēnei whakaaro hei rerenga whakakāhore?

He pai ake pea te whakakāhoretanga hei kawe i te whakaaro.

Hei tauira o ētahi rerenga whakakāhore:

Te rerenga noa	Te rerenga whakakāhore
Kei te haere au.	Kāore au i te haere.
He tangata whakamataku ia.	Ehara ia i te tangata whakamataku.
Kua tae kē mai rātou.	Kāore anō rātou kia tae mai.
Nāna te papa i tahi.	Ehara nāna te papa i tahi.
I pau i a au te tiakareti.	Kāore i pau i a au te tiakareti.
E waiata ana a Mere	Kāore a Mere e waiata ana.
Tukuna ki a Api.	Kaua e tukuna ki a Api.
He moni āku.	Kāore āku moni
I/Kei reira taku motukā.	Kāore taku motukā i reira.
Ka taea e au.	Kāore e taea e au.
He aha ia i haere ai?	He aha ia i kore ai i haere?

Whakakāhoretia tēnei rerenga kōrero.

He aha koe i tuhi ai i tēnei whakaaro hei rerenga whakakāhore?

He pai ake pea te whakakāhoretanga hei kawe i te whakaaro.