Ko te ahi e kā ana ki roto i te puku o te tangata e āki ana i a ia ki te whai i tētahi kaupapa, ki te mahi rānei i tētahi mahi.
The fire burning in a person's belly which urges them on to pursue a particular project or undertake an activity.
Tauira KŌrero
Nā te pouako i tiki atu ngā kōrero o nehe hei whakahihiko i ana ākonga i tā rātou mahi toi.
Ko te oranga tonutanga o te reo Māori te mea e tino whakahihiko ana i a ia.
He tangata hihiko ia ki te whai i ōna moemoea.
WhakamĀrama Āpitihanga
He maha ngā puna whakahihiko i te ākonga. Kei roto tonu i a ia ētahi, pērā i te whakaea i tētahi wawata ōna (hei tauira: ki te haere i tētahi haerenga; kia whai pūkenga ia ki tētahi mahi pērā i te whakatangi kitā; kia uru ia ki te kapa haka). Ka kīia tēnei momo ko te hihiko rāroto.
Ko te whakanui a tōna whānau, a tōna pouako rānei tētahi atu mea hei whakahihiko i a ia. He tauira tēnei o te hihiko rāwaho, arā, ki tua o te tangata tonu te takenga mai o tana hihiko.
Ko te āhua o te mahi whakaako tētahi āhuatanga nui e hihiko ai te ākonga ki āna mahi, e hihiko-kore ai rānei. Mēnā he rongo pūrau ngā rauemi ako, ā, e rāwekeweke ana ia i te taputapu, kātahi pea ka hihiko. Mēnā e wana ana te pukapuka e pānui ana ia - tōna tāhū, tōna kaupapa, te hā o te tuhituhi, te takoto o ngā whārangi, kātahi pea ka hihiko. Mēnā he wana-kore te pukapuka, he takeo, kāore te ākonga e hihiko ki te pānui.
KUPU KĒ ATU
kipakipa
Tauira KŌrero
Nā te pouako i tiki atu ngā kōrero o nehe hei whakahihiko i ana ākonga i tā rātou mahi toi.
Ko te oranga tonutanga o te reo Māori te mea e tino whakahihiko ana i a ia.