Ko te taumata tēnei o tā te kiriwhakaari mahi ki te kuhu i te kiripuaki e whakaarihia ana e ia. He pērā hoki te taumata o te kaihaka, ina ka kīia te wahine rehe ki te haka, ‘ko Hineruhi koe’. Arā, kua whakaahua i a ia ki te atua nei o te whare tapere, ki a Hineruhi. Mō te kaihaka tāne, ka kīia ko Tānerore te whakaahuatanga.
The ultimate skill and achievement of an actor to enter in to and become the character they are portraying. A similar pinnacle is reached in kapa haka where a woman expert in the arts of haka ‘becomes’ Hineruhi, one of the atua of the whare tapere. For a male, the transformation is to become Tānerore.