!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

tika āhuarangi

climate justice

tūingoa

WHAKAMĀRAMA

He momo tirohanga ki ngā take e pā ana ki te mahana haere o te ao, ina ko te aro ki te taha matatika, ki ngā mōtika tangata, ki ngā take tōrangapū hoki, kāore e arohia noa ihotia ngā āhuatanga pūtaiao.

A way of looking at global warming where focus is given to ethical elements, human rights and political issues, and not just scientific phenomena.

Tauira KŌrero

Kua roa nei rātou e tohe ana kia kaha ake te aro ki ngā āhuatanga e hāngai ana ki te tika āhuarangi.

He mea nui te āta whakaaro ki te tika āhuarangi kia pīkautia e te katoa ngā raruraru taiao, kia kaua e tipu tonu te āputa tautika-kore ki waenga i te hunga whairawa me te hunga rawakore.

Ko tētahi wāhanga o roto i te tika āhuarangi, ko te tirotiro i ngā huarahi e whakamaurutia ai te pāngia kinotia o ētahi wāhi me ngā hapori o reira, e te huarere taikaha.

WhakamĀrama Āpitihanga

Ko te tohe matua a te hunga e whai ana i te tika āhuarangi, nā ngā whenua whairawa o te ao i ara ake ai te āhuarangi hurihuri, nō reira mā rātou anō e pīkau ngā mahi nui hei whakapōturi i te mahana haere o te ao. Ko ētahi o ngā mahi e whakatenatenatia ana:

  • Ko te whakaiti i te whakapetonga kia kaua e pērā rawa te whakapau i ngā rawa o Papatūānuku, mā reira e iti ake ai te tuku i ngā haurehu kino ki te kōhauhau, me te ākiri anō i te para.
  • Ko te whakaiti, te whakakore rānei i te tahuna o te koranehe i roto i ngā wheketere, i ngā waka me ngā punahiko, kia tahuri ai ki te whakamahi i te pūngao whakahou.
  • Ko te whakaiti i te moumou kai. Mā reira e iti ai te para kai e tukuna atu ana ki te ruapara. Mā reira hoki e nui ake ai ngā kai e wātea ana hei tuari ki te hunga rawakore.
  • Ko te whakakore i te whakarakenga whenua, me te tahuri ki te whakatipu rākau ki te whakanehenehe anō i te whenua. Ko tā te wao, he miti i te hauhā e tukuna ana ki te kōhauhau, e whakararu ana i te āhuarangi. Koia rā tētahi mahi e tukuwaro-kore ai tētahi whenua ā tōna wā, e tukuwaro-iti ai rānei.
  • Ko te tahuri ki te pūnahahanga kākāriki i roto i ō tātou tāone nui, pērā i rokiroki i te wai ua hei whakamahi i roto i ngā kāinga.

I ētahi whenua, kua whakatauria he tāke waro hei utu mā te hunga e tuku hauhā ana ki te kōhauhau, pērā i te hunga taraiwa waka, i ngā umanga kawekawe, i ngā kaipāmu. Ko te whāinga o tēnei momo tāke kia whakaitia te whakamahinga o te koranehe me te tukuna o te hauhā.

Tauira KŌrero

Kua roa nei rātou e tohe ana kia kaha ake te aro ki ngā āhuatanga e hāngai ana ki te tika āhuarangi.

He mea nui te āta whakaaro ki te tika āhuarangi kia pīkautia e te katoa ngā raruraru taiao, kia kaua e tipu tonu te āputa tautika-kore ki waenga i te hunga whairawa me te hunga rawakore.

Ko tētahi wāhanga o roto i te tika āhuarangi, ko te tirotiro i ngā huarahi e whakamaurutia ai te pāngia kinotia o ētahi wāhi me ngā hapori o reira, e te huarere taikaha.

WhakamĀrama Āpitihanga