!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

tauhokohoko

trade, commerce

tūingoa, tūmahi poro, tūāhua

WHAKAMĀRAMA

Ko te whitiwhiti hautaonga, ratonga hoki, mai i tētahi ki tētahi, mātua rā ko te hoko atu me te hoko mai. I ngā rā o mua ka haere te tauhokohoko i waenganui i ngā whānau, i ngā hapū me ngā iwi i runga i ngā tikanga Māori. I te ōhanga ao whānui o ināianei, ko te moni te hangawhiti matua mō te tauhokohoko. Arā, ka riro mai he moni i te hokotanga atu o tētahi hautaonga, ratonga rānei, ka tukuna he moni hei hoko mai i tētahi. 

The exchange of goods or services from one to another, specifically selling, buying and barter. In pervious times trade between whānau hapū and iwi was conducted according to Māori custom. In the modern global economy money is the usual medium of exchange for trade and commerce. Money is received when a good or service is sold, and money is given when something is bought.

Tauira KŌrero

Ko te tauhokohoko ahuwhenua te tino o roto i te ōhanga o Aotearoa.

Ko tā te iwi e whai ana, kia pakari ake tā rātou tauhokohoko me ngā iwi o Āhia whānui.

I roto ia i te tira Māori i haere ki te hui tauhokohoko o ngā whenua o Āhia ki te Rāwhiti mā Tonga.

WhakamĀrama Āpitihanga

Ko te wāhi e haere ai te tauhokohoko, ka kīia he mākete. Koia nei ētahi momo mākete:

I te tauhoko herekore, te mākete herekore rānei, e wātea ana te tangata, te pakihi rānei ki te hoko atu i ana hautaonga, i ana rawa, i ana ratonga, karekau he aukatinga, he here rānei a te kāwanatanga. Mēnā ka hiahia te kāwanatanga ki te hāpai i tētahi o ngā ahumahi o tōna whenua, ka whakatauria he here, he tāke, he aukatinga rānei i te hokona whakarotohia o ngā hautaonga, o ngā ratonga rānei o taua ahumahi. Ka kīia tērā ko te pākaihoko.

Ko tētahi āhuatanga kua ara ake i te tauhoko herekore, ko te takahi i ngā mōtika kaimahi, ko te whakakino hoki i te taiao i ētahi whenua, ko te whakaputa hautaonga hei hoko atu ki whenua kē te take. Arā, he iti noa iho te utu i ngā kaimahi, kāore pea e haumaru ana ō rātou wāhi mahi, kāore hoki e tiakina ana te taiao. Mā konei e nui ake ai te monihua ka riro i te pakihi, ka iti tonu te utu mō te hautaonga ka utua e te kaihoko o whenua kē. Hei whakakore ake i ēnei āhuatanga, kua whakatūria te kaupapa tauhoko matatika. Ko ngā hautaonga me ngā ratonga e hokona ana i raro i te tauhoko matatika he mea whakaputa i raro i ngā mātāpono matua e toru nei, arā, kia tōkeke te utu i ngā kaimahi, kia haumaru ō rātou wāhi mahi, kia kaua hoki e whakakinohia te taiao:

I ētahi wā ka whakatūria e tētahi whenua he whiunga tauhokohoko ki whenua kē atu, arā, ka aukatia, ka herea rānei te tauhokohoko ki taua whenua. Ko tā te whiunga tauhokohoko he āki i te whenua e whiua ana kia whakarerekēngia ngā whakahaere i tō rātou whenua - he takahi pea nō rātou i ngā mōtika tangata. Ko ētahi momo whiunga tauhokohoko:

Ko te taongahoko taketake tētahi mea matua o roto i te ao tauhokohoko. Koia ko te momo taonga e hokona ana e ngā umanga maha huri i te ao, kāore he rerekētanga o te hautaonga e whakaputaina ana e tēnā umanga, e tēnā umanga. Hei tauira, ko te kōhinu. Ahakoa te umanga, ahakoa nō tēhea whenua te umanga, he ōrite te kōhinu. Hei tauira atu anō o tēnei mea te taongahoko taketake, ko te pata kai, ko te kōura, ko te kapuni, ko ngā wehewehenga o te tūāwhiorangi autōhiko.

Ko te ara tukutuku tētahi āhuatanga hei āta whakarite mā te kaiwhakaputa o tētahi hautaonga, koia ko te whatunga o ngā umanga, o ngā pakihi e tuku mai ana i ngā rawa e taea ai e te kaiwhakaputa taua hautaonga te waihanga, me ērā anō hoki hei kawe atu i te hautaonga ki ngā toa, ki ngā mākete. Ka whai wāhi atu ki te ara tukutuku, ko ngā kaiwhakaputa rawa taketake, ko ngā kaiwhakaputa i ngā waehanga e hangā ai te hautaonga, ko ngā umanga kawekawe, ko ngā kaihokorau, ko ngā toa hokohoko, ko ngā kaiwhakatairanga i te hautaonga. Hei whakaahua i te ara tukutuku mō te parāoa:


Tauira KŌrero

Ko te tauhokohoko ahuwhenua te tino o roto i te ōhanga o Aotearoa.

Ko tā te iwi e whai ana, kia pakari ake tā rātou tauhokohoko me ngā iwi o Āhia whānui.

I roto ia i te tira Māori i haere ki te hui tauhokohoko o ngā whenua o Āhia ki te Rāwhiti mā Tonga.

WhakamĀrama Āpitihanga