!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

tāke ~hia

tax, taxation

tūingoa, tūmahi whiti

WHAKAMĀRAMA

Ko tā te kāwanatanga tango moni i tana iwi hei whakahaere i ngā ratonga tūmatanui pērā i te pūnaha hauora, i te pūnaha mātauranga me te pūnaha ture. He wāhanga nui te tāke o te pūnaha ōhanga o tētahi whenua.

The government's taking of money from its people in order to operate public services such as the health system, education and justice. Taxation is an essential part of the financial system of a country.

Tauira KŌrero

Nō te tau 1986 i tīmata ai te Tāke Hokohoko i Aotearoa, hei ara atu anō e whiwhi moni ai te kāwanatanga.

Mēnā he nui te moniwhiwhi a te tangata, he nui atu anō tana ōrau tāke.

Rārangihia ētahi o ngā painga ka puta i te utu tāke.

WhakamĀrama Āpitihanga

Ko te tāke moniwhiwhi, he tangohanga a te kāwanatanga i tētahi wāhanga o te utu ā-haora, o te utu ā-tau, o te takuhe, o te penihana rānei e whiwhi ana te tangata.

Ko te Tāke Hokohoko, he tāpiritanga a te kāwanatanga ki ngā utu mō te hoko hautaonga, ratonga hoki, ā, ka whakahokia taua tāpiritanga utu ki te kāwanatanga. Ko te 15% te rahi o te Tāke Hokohoko i Aotearoa.

Arā atu anō ngā momo tāke, pērā i te tāke pakihi, me te tāke ka tāpiria atu ki te utu kōhinu me te hikareti.

Mēnā kāore e tākengia ana te moniwhiwhi a te tangata, e herea ana ia ki te utu tāke tārewa. Arā, ka whakatau tatangia tana moniwhiwhi i te tau, ā, ka utua tētahi wāhanga o te tāke i ia toru marama. Hei te mutunga o te tau ahumoni ka āta tātaihia te toenga tāke hei utu māna, mēnā rānei he whakahokinga moni ki a ia. Mai i te 1 o Paengawhāwhā ki te 31 o Poutūterangi te tau ahumoni o Aotearoa.

Takenga Mai

He kupu mino.

Tauira KŌrero

Nō te tau 1986 i tīmata ai te Tāke Hokohoko i Aotearoa, hei ara atu anō e whiwhi moni ai te kāwanatanga.

Mēnā he nui te moniwhiwhi a te tangata, he nui atu anō tana ōrau tāke.

Rārangihia ētahi o ngā painga ka puta i te utu tāke.

WhakamĀrama Āpitihanga