Pāngarau

rohe wā

time zone

tūingoa

WHAKAMĀRAMA

Nā te mea e takahurihuri ana te ao, he rerekē te wā ka whiti te Rā ki tēnā wāhi, ki tēnā whenua, puta noa i te ao. I te wā e whitia mai ana a Aotearoa, e pō ana a Ingarangi me ērā atu whenua i tērā taha o te ao. Tekau mā rua haora tō rātou tōmuri i a tātou. Nā runga i tēnei āhuatanga, kua wehea te ao ki ētahi rohe wā e 24.

Because the earth is rotating, the times when the sun is shining in various parts of the world are diﬀerent. When Aotearoa has day, England and other countries on that side of the world have night. They are 12 hours behind us. Because of this, the world is divided into 24 time zones.

Tauira KŌrero

Kei te rohe wā kotahi a Aotearoa me Rarotonga, he rerekē rānei ngā rohe wā?

Ina haere koe ki Ahitereiria, ka whiti atu ki tētahi atu rohe wā. Koirā te take he rerekē te tāima i reira.

He rerekē te rohe wā i reira. E rua haora tō rātou tōmuri i a tātou.

WhakamĀrama Āpitihanga

I tēnei mahere, e whakaaturia ana ngā rohe wā ki tēnei pito o te ao:

Ko te rārangi iraira e tohu ana i te ‘rārangi wā o te ao’. He rerekē te rangi ki ia taha o tēnei rārangi. Kotahi rā te hauāuru ki mua (te taha mauī o te rārangi iraira). Mēnā ko te Rāhina i Aotearoa, ko te Rātapu i Hāmoa. Mēnā ko te Rāmere i Rarotonga, ko te Rāpare i Aotearoa. Koirā te take e kīia ana ko Aotearoa te whenua tuatahi o te ao kia whitia e te Rā i ia rā, arā, ko Hikurangi tērā i Te Tai Rāwhiti, te maunga tapu o Ngāti Porou te tuatahi o ngā wāhi i Aotearoa.

Mēnā ko te 5:00 karaka i te ahiahi te tāima i Aotearoa, ko te 3:00 karaka kē i Poihākena – e rua haora tō rātou tōmuri i a tātou. Mēnā ko te 5:00 karaka i te ahiahi i Aotearoa, ko te 6:00 karaka i te ahiahi i te rā i mua i Hāmoa – e 23 haora tō rātou tōmuri i a tātou.

Tauira KŌrero

Kei te rohe wā kotahi a Aotearoa me Rarotonga, he rerekē rānei ngā rohe wā?

Ina haere koe ki Ahitereiria, ka whiti atu ki tētahi atu rohe wā. Koirā te take he rerekē te tāima i reira.

He rerekē te rohe wā i reira. E rua haora tō rātou tōmuri i a tātou.