!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

raukoti pūroi

substance abuse, drug abuse

tūingoa

WHAKAMĀRAMA

Ko tā te tangata kai i ngā momo pūroi, i ngā momo whakapōauau hei whakarerekē i ōna piropiro, me te aha, ka raru ia, tōna taha tinana, taha hinengaro, otirā ngā taha katoa ōna.

A person's consumption of drugs or narcotics in order to alter their mood, resulting in harm or impairment to the normal functioning of their body, mind and other dimensions.

Tauira KŌrero

Ko te whānau tonu te papa ina warawara tētahi ki te raukoti pūroi.

Ko te momi tupeka tētahi o ngā raukoti pūroi matua e whakararu ana i te porihanga o Aotearoa.

I raro ia e putu ana, engari kua puta ināianei i tana raukoti pūroi, ki te whaiao ki te ao mārama.

WhakamĀrama Āpitihanga

Ko tētahi āhuatanga o te raukoti pūroi, ko te warawara o te tangata ki te momo pūroi e kai putuputu ana ia. Arā, ko tana kaha kūmea e te hiakai ki taua pūroi, me tana kore e āhei ki te kaupare atu i taua hiakai rā. Ka hiahiatia nā runga i te rongo o te tangata i te ihiihi, i te manahau, i te whakamaurutanga o tētahi mamae, o tētahi taumahatanga rānei. Koia ko te māngina, ko te haurangi, ko te hurori o te tangata.

Koia nei ētahi momo raukoti pūroi o roto i te hapori:

Ka whakatūria he hōtaka patu warawara, arā, he kaupapa patu wara pūroi, hei āwhina i te kiriwara, mā reira e pāitiiti haere tana warawara, nāwai ā, ka kore taua warawara rā. Ka kīia tērā ko te whakamātūtū warawara. Ehara i te mea he māmā te patu wara pūroi, he wā roa pea e mātūtū ana te tangata, waihoki ka pāngia ki ētahi māuiui, ki ētahi mate i taua wā, pērā i te korohāwini. Ka kīia tērā ko te maunuwara.

Ko te keremutu hei kupu mō te whakamutu ohotata a te tangata i tana kai i te pūroi e warawara ana ia.

Takenga Mai

raukoti - misuse, meddle with, mishandle

pūroi - drug

Tauira KŌrero

Ko te whānau tonu te papa ina warawara tētahi ki te raukoti pūroi.

Ko te momi tupeka tētahi o ngā raukoti pūroi matua e whakararu ana i te porihanga o Aotearoa.

I raro ia e putu ana, engari kua puta ināianei i tana raukoti pūroi, ki te whaiao ki te ao mārama.

WhakamĀrama Āpitihanga