!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

pōti ~tia ~tanga

vote, ballot

tūingoa, tūāhua, tūmahi

WHAKAMĀRAMA

Ko tā te tangata whakaatu i tōna hiahia, i tāna kōwhiringa o roto i tētahi rārangitanga mai o ngā tāngata, o ngā whakaaro, o ngā kaupapa. Mātua tuku pōti ai mā te whakaatu kōwhiringa ki te puka pōti, mā te whakatū ringa rānei i etahi horopaki ōpaki.

A person's indication of their wish or their choice out of a list of people, ideas or initiatives. Voting is usually accomplished by indicating a choice on a voting form or by raising a hand in more informal contexts.

 

Tauira KŌrero

Ko tētahi haepapa matua o te kirirarau, ko te tuku i tana pōti kāwanatanga i ia toru tau.

Ki te kore koe e pōti, kāore ō take ki te whakahē i ngā mahi a te kāwanatanga.

I roto i ngā tau tata kua hori nei, kua ara ake te pāhopori hei ara whakaaweawe i te hunga pōti, hei rāwekeweke anō pea mā te rāwaho i te pūnaha pōti.

WhakamĀrama Āpitihanga

Koia nei ētahi momo pūnaha pōti manapori e mōhiotia ana i Aotearoa:

  • Ko te pōti whiritoa. I tēnei pūnaha, kotahi te pōti a ia kaipōti. Ka tatauria ngā pōti mō ia tangata e pōtihia ana, ā, ka toa te mea kei a ia te maha rawa atu, ahakoa kotahi noa iho pea te maha ake o ana pōti. Hei tauira tēnei o tētahi puka pōti whiritoa:

Ko te pōti tōmua koirā tā te tangata tuku i tana pōti i mua i te rā i tohua ai hei rā pōti. Ka pōti tōmua ia mēnā kāore ia i te wātea ki te pōti i tōna ake rohe i te rā pōti. Hei tauira te pōti tōmua o te pōti motuhake. Ko ētahi atu take mō te pōti motuhake, ko te noho a te kaipōti ki tāwāhi, ko te kore rānei o te tangata i rēhita i mua i te rā pōti.

I ētahi wā ruarua ka whakahaerehia he pōtitake e hāngai ana ki tētahi āhuatanga motuhake, pērā i te pōtitake mō te pire rauhea i te tau 2020. He potitake-here tērā nā te mea i herea te kāwanatanga ki te whai i tā te nuinga i pōti ai. He wā anō ka whakahaerehia he potitake-herekore. Ko tā tēnei momo he whakaatu i te hiahia o te marea, koia hei āwhina i te kāwanatanga i roto i tā rātou whakatau i te take i pōtihia ai.

Ka whakatūria he pōti whakakapi mēnā ka mate tētahi māngai pāremata, ka heke rānei ia i tana tūranga. Koirā hei pōti i te māngai hou ka noho ki taua tūranga.

Ko ngā tāngata ka tū, ka whakatūria rānei hei pōti mā te marea, ka kīia he kaitono. Mō te pōti kāwanatanga i Aotearoa ka tū he kaitono ki ia rohe pōti. Ka pōtihia ngā kaitono e ngā kaipōti ā-rohe.

I mua i te pōtitanga, mā ia kaitono, mā ia rōpū tōrangapū e whakatairanga ā rātou kaupapahere hei āta whakaaroaro mā ngā kaipōti. Ka kīia tēnei mahi he kōkirikiri. Ka huri haere i te motu ngā rōpū tōrangapū ki te kōkirikiri i ā rātou kaupapa, ka kōkirikiri hoki i ngā arapāho maha pērā i te nūpepa, i te pouaka whakaata me ngā pae pāhopori.

I muri i te pōtitanga whānui, ki te kore e riro i tētahi rōpū tōrangapū kotahi te manapio ki te whakatū kāwanatanga, ka haere ngā whakawhitinga kōrero ki waenganui i ngā rōpū ki te whakatū kāwanatanga haumi, arā, e rua, e toru rānei ngā rōpū e mahi ngātahi ana ki te whakatū kāwanatanga.

Takenga Mai

He kupu mino.

Tauira KŌrero

Ko tētahi haepapa matua o te kirirarau, ko te tuku i tana pōti kāwanatanga i ia toru tau.

Ki te kore koe e pōti, kāore ō take ki te whakahē i ngā mahi a te kāwanatanga.

I roto i ngā tau tata kua hori nei, kua ara ake te pāhopori hei ara whakaaweawe i te hunga pōti, hei rāwekeweke anō pea mā te rāwaho i te pūnaha pōti.

WhakamĀrama Āpitihanga