!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

pakihi

business

tūingoa

WHAKAMĀRAMA

He whakahaere, he hinonga rānei e whai ana i te mahi tauhokohoko, arā, ko te waihanga, ko te hoko hautaonga, ko te tuku rānei i tētahi momo ratonga. Ko te nuinga e aru monihua ana, engari he monihua-kore ētahi, pērā i ngā rōpū ohaoha e whai ana i tētahi kaupapa hei painga mō te hapori. 

An organisation or entity involved in a commercial activity such as making goods, selling goods, or providing some type of service. Most are for the purposes of making a profit, some however are non-profit, such as charitable organisations with a mission to do good in the community.

Tauira KŌrero

Nōnahea i tīmata ai te pakihi hou a Eru me tōna whānau?

He maha ngā pakihi tāpoi i raru i te wā i horapa ai te mate urutā i te tau 2020.

I whakatūria he ahurei ki Te Whanganui-a-Tara hei whakaatu mā ngā pakihi Māori i ā rātou mahi ki te marea.

WhakamĀrama Āpitihanga

Ko te mahere pakihi, koia te āta whakatakoto i te kaupapa o te pakihi, te huarahi e tutuki ai ōna whāinga, tae atu ki te taha ahumoni, arā, te whakaemi pūrawa hei tīmata, hei whakatipu rānei i te pakihi, ngā whakapaunga, ngā moniwhiwhi, te utu tāke, me te maha noa atu.

Koia nei ētahi momo pakihi:

Mēnā ko te pakihi kotahi kei te whakaputa, kei te hoko i tētahi ratonga, i tētahi momo hautaonga rānei i tētahi tāone, i tetahi rohe rānei ka kīia he manatoki tērā, karekau he pakihi whakataetae. Ko tētahi hua o te manatoki, ko te piki o te utu mō te hautaonga, mō te ratonga rānei.

Mēnā e whai tūtanga ana te tangata ki tētahi pakihi, nāna tētahi wāhanga o ngā huarawa me ngā pūnama o taua pakihi. E tātaihia ai te tūtanga a te tangata, ka tangohia ngā pūnama katoa i te tapeke o ngā huarawa o te pakihi, kātahi ka whakareatia ki te ōrau o ngā pānga e puritia ana e te tangata rā.

KUPU KĒ ATU

umanga

Tauira KŌrero

Nōnahea i tīmata ai te pakihi hou a Eru me tōna whānau?

He maha ngā pakihi tāpoi i raru i te wā i horapa ai te mate urutā i te tau 2020.

I whakatūria he ahurei ki Te Whanganui-a-Tara hei whakaatu mā ngā pakihi Māori i ā rātou mahi ki te marea.

WhakamĀrama Āpitihanga