!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

pakanga ~tia

war, battle, fight

tūingoa, tūmahi

WHAKAMĀRAMA

Ko te tutūnga o te puehu ki waenga i ētahi hoariri, e whawhai ana tētahi taha ki tētahi. I ētahi pakanga ka hīkina he rākau a Tū, i ētahi he whawhai ā-kupu, he ātete mārire te tū a ētahi ki te riri a ētahi.

Conflict and agitation between adversaries, with one side fighting the other. Some wars or battles involve the use of weapons, some are fought with words, some take a stance of passive resistance against the violence of others. 

Tauira KŌrero

E āta whiriwhiri ana te hapū me pēhea te pakanga ki te whakaaetanga o te Kaunihera kia keria te onepū rino i tō rātou takutai.

Kua tokomaha haere te hunga e taetae atu ana ki ngā hui whakamaumahara i ō tātou hōia i tū ki te mura o te ahi i ngā pakanga nui, huri i te ao.

Nō te tau 2015 i whakatakotoria ai te tāpaetanga ki te Kāwanatanga kia whakatūria he rā whakamaumahara ki ngā pakanga whenua i Aotearoa.

WhakamĀrama Āpitihanga

Koia nei ētahi momo pakanga e whai wāhi atu ai he rākau a Tū:

  • Ko te pakanga whenua. He pakanga tēnei kia riro i tētahi rōpū ngā whenua me te rangatiratanga o tētahi.
  • Ko te kaiākiri. Ko te pakanga a tētahi rōpū ki tētahi i roto tonu i te whenua kotahi.
  • Ko te riri tara ā-whare. Ko te pakanga a tētahi rōpū ki tētahi o roto tonu i te iwi kotahi, i te hapū kotahi rānei.
  • Ko te pakanga ā-ao. Koia ko ngā pakanga nui e uru atu ai ngā whenua maha me ō rātou iwi.

He maha ngā take ka pupū ake te pakanga a tētahi iwi ki tētahi, a tētahi rōpū rānei ki tētahi. Koia nei ētahi:

Arā atu anō ngā horopaki e whakamahia ai te kupu nei, te pakanga, engari kāore e hīkina he rākau a Tū. Hei tauira:

  • Ko te pakanga taungaungau. He tao kupu, he kupu whakaiti ka whakawhitiwhitia ki waenganui i ētahi whenua e rua, e kainamu atu ana ki te pakūtanga o te riri.
  • Ko te pakanga tauhokohoko. He pakanga ohaoha ka ara ake i runga te ārai atu a tētahi whenua i ngā mahi tauhokohoko a ngā pakihi o whenua kē.
  • Ko te pakanga kia whakahorohorongia tētahi mahi kino, pērā i te whakatuatea, i te tūkino tamariki, i te kaikiri me te whakahāweatanga.
  • Ko te pakanga i tētahi take, pērā i te pakanga kia ora anō ai te reo Māori.

Ko te taututetute tētahi kupu whānui mō ngā momo pakanga, ngā momo raruraru, whakatete rānei ka hua ake ki waenganui i te tangata, i te rōpū rānei.

Tauira KŌrero

E āta whiriwhiri ana te hapū me pēhea te pakanga ki te whakaaetanga o te Kaunihera kia keria te onepū rino i tō rātou takutai.

Kua tokomaha haere te hunga e taetae atu ana ki ngā hui whakamaumahara i ō tātou hōia i tū ki te mura o te ahi i ngā pakanga nui, huri i te ao.

Nō te tau 2015 i whakatakotoria ai te tāpaetanga ki te Kāwanatanga kia whakatūria he rā whakamaumahara ki ngā pakanga whenua i Aotearoa.

WhakamĀrama Āpitihanga