!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

niho2

tooth

tūingoa

WHAKAMĀRAMA

Ko ngā hanga mārō o roto i te waha, ka whakamahia hei ngaungau kai.

The hard structures in the mouth which are used for chewing food.

Tauira KŌrero

Taitaia ō niho kia mā e hine.

Kua hutia katoatia ngā niho o tōku kuia, he niho kēhua ōna ināianei.

E tino mau ana te tātā ki ōku niho, nō reira ka riro mā te rata niho e waruwaru i ia tau.

WhakamĀrama Āpitihanga

Hei whakaatu i ngā wāhanga o te niho me ngā momo:

Ko te mahi a te rata niho, he whakapaipai i ngā niho, he rongoā hoki i ngā momo mate, pērā i te kōhao niho, i te whēwhē niho, i te hohore niho me te niho hawa.

I ētahi wāhi o te hapori, pērā i te kura, ka whakatūria he taiwhanga niho, ki reira tirotirohia ai ngā niho o te tangata e tētahi tapuhi niho. Ina kitea he tino raruraru ka tohua te tangata kia haere ki te rata niho, ka rongoātia ki reira.

Ko ngā niho ka tipu i te wā e kōhungahunga ana te tangata, ka kīia he niho kaiū. Kia ono pea ngā tau o te tamaiti ka tīmata te makere o aua niho rā, ā, ka pihi ake ko ōna niho pakeke.

I ētahi tāngata kāore e ō ngā niho pakeke katoa, nā te iti pea o te waha, o tētahi o ngā kauae rānei. He niho tāpiki te hua, he niho kōpā rānei. Mēnā e tino tāpiki ana, e tino kōpā ana, e hē ana rānei te tipu o ngā niho, ka whakaritea e te mātanga niho tētahi hanga whakatika niho, ā, i roto i te takanga o tētahi wā, ka tika haere te noho mai o ngā niho ki te waha. I ētahi wā, mā te huhuti i tētahi niho e ō ai ngā niho e noho tonu ana i te waha.

He maruniho tēnei, ka whakamauhia i ngā hākinakina tukituki kia kore ai e pākarua ngā niho:

NIHO2 1

Tauira KŌrero

Taitaia ō niho kia mā e hine.

Kua hutia katoatia ngā niho o tōku kuia, he niho kēhua ōna ināianei.

E tino mau ana te tātā ki ōku niho, nō reira ka riro mā te rata niho e waruwaru i ia tau.

WhakamĀrama Āpitihanga