!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

moniwhiwhi

income, revenue

tūingoa

WHAKAMĀRAMA

Ko te moni ka riro i te tangata, i te pakihi, i whakahaere kē atu rānei. He hua nā tana mahi, nā tana hoko atu i tētahi mea, nā tētahi haumitanga, nā tētahi takuhe tautāwhi, penihana rānei, he mea takoha rānei ki a ia.

The money received by a person, a business, or an organisation. Income is received as a result of work, of selling something, from an investment, from a benefit or pension, or received as a gift.

Tauira KŌrero

Tuhia ki konā te tapeke o tō moniwhiwhi i te roanga atu o te tau.

Ka tātaihia te tāke i runga i te nui o te moniwhiwhi a te tangata.

E kimi ana ia i tētahi huarahi e nui ake ai te moniwhiwhi a te whānau.

WhakamĀrama Āpitihanga

Koia nei ētahi o ngā momo moniwhiwhi:

Ko te moniwhiwhi wātea, koia ko te katoa o te moniwhiwhi a te tangata, a te whānau rānei i muri i te tangohanga o ngā tāke. Koirā hei utu i ana nama, hei hoko i āna hokonga, hei takoha ki tangata kē, ki rōpū kē rānei, hei penapena rānei.

Ko te moniwhiwhi kōwhiti te toenga o te moniwhiwhi a te tangata, a te whānau rānei i muri i te utu i ngā tāke me ngā mea e matea nuitia ana e ora ai rātou, pērā i te whare, i te kai me te kākahu. E wātea ana tēnei moni hei kōwhiri mā te tangata, mā te whānau rānei ka whakapaua ki hea, arā, ki te hoko i ngā mea e hiahiatia ana, pērā i te mahi ā-rēhia, i te hararei me te motokā hou.

Tauira KŌrero

Tuhia ki konā te tapeke o tō moniwhiwhi i te roanga atu o te tau.

Ka tātaihia te tāke i runga i te nui o te moniwhiwhi a te tangata.

E kimi ana ia i tētahi huarahi e nui ake ai te moniwhiwhi a te whānau.

WhakamĀrama Āpitihanga