!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

mauri

vital essence, life force, source of emotions

tūingoa

WHAKAMĀRAMA

Ko te mana atua kei roto i ngā uri katoa o Ranginui rāua ko Papatūānuku, pērā i te tangata, i te wai, i te kararehe, i te aitanga pepeke, i te tipu, i te toka, me te maha noa atu. Koia hoki te pū o ngā kare ā-roto o te tangata.

The sacred spiritual power of the gods that exists within all descendants of Ranginui and Papatūānuku, including people, water, animals, insects, plants, rocks and a multitude of other things. Mauri is also the source of a person’s emotions.

Tauira KŌrero

Nā te karakia a te koroua i tau ai te mauri o te kapa i mua i te ekenga ki te atamira.

Ko te mauri o te whenua tētahi āhuatanga nui ka pā ki te oranga o te tangata, o te whānau me te hapū.

He mauri tō ngā mea ora katoa.

WhakamĀrama Āpitihanga

Koia nei ētahi whakamahinga o te kupu nei, te mauri, hei tohu i ētahi āhuatanga o te hauora:

  • Ko te mauri rere. Kua raru pai te mauri, kua ohorere, kua mataku, me te aha, āhua ngaro ana te ao mārama i a koe*.
  • Ko te mauri tau. E tau ana te mauri, e tau ana te āio ki te tangata, kāore e ohorere, kāore e pōkaikaha.*
  • Ko te mauri moe. Kāore te tangata e oho ana, kua kore tana urupare, kua kore tana aroā ki ngā āhuatanga o tōna taiao ōkiko, e noho ngū ana. Ki tā ētahi kua rere te hinengaro ki te wāhi ngaro.
  • Ko te mauri oho. Kua kore e moe te mauri, e urupare ana, e aroā ana te tangata ki ngā āhuatanga o tōna taiao.
  • Ko te mauri tū. E mataara ana te tangata ki tōna taiao, e whai ngoi ana.
  • Ko te mauri noho. Kāore te tangata e kori ana, e noho ngū ana tōna tinana, tōna hinengaro me tōna wairua. Ākene pea e moe ana, e whakatā ana, e whakaāio hinengaro ana.

*Jacob, H. (2017). Te Rito.Ōtaki: Te Wānanga o Raukawa. 

Tauira KŌrero

Nā te karakia a te koroua i tau ai te mauri o te kapa i mua i te ekenga ki te atamira.

Ko te mauri o te whenua tētahi āhuatanga nui ka pā ki te oranga o te tangata, o te whānau me te hapū.

He mauri tō ngā mea ora katoa.

WhakamĀrama Āpitihanga