!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

mana

authority, power, prestige

tūingoa, tūmahi poro

WHAKAMĀRAMA

Ko te rangatiratanga o te tangata, o te rōpū rānei ki te whakatau i ngā take mōna anō, mō te hapori rānei; ki te ārahi i te iwi; ki te mahi i tētahi mahi; ki te tohutohu rānei i tangata kē. Ka whakaaetia whānuihia te mana i raro i ngā tikanga o te iwi, o te hapori rānei, i raro rānei i ngā ture o te whenua. Ko te mana o ētahi, he mana tuku iho i ōna kāwai whakapapa; ko te mana o ētahi ka hua ake i āna mahi whakahirahira; ko te mana o ētahi ka riro i a ia i te pouaka pōti. 

The right and ability of a person or group to make decisions for themselves or the community, to be a leader of people, to undertake certain activities, or to direct others. Mana is widely endorsed under the customary practices of a tribe or community, or under the law of the land. For some, mana is inherited through their lines of genealogy; for some, mana is a result of their great deeds; for some, mana is achieved through the ballot box.

Tauira KŌrero

Ehara nō te kāwanatanga te mana ki ngā takutai moana.

Nōku tōku ake mana ki te kōwhiri i te ara tika mōku.

He mana tō tēnā iwi, tō tēnā iwi ki te whakatau i ngā take e pā ana ki tō rātou iwitanga.

WhakamĀrama Āpitihanga

Arā kē ngā horopaki e whakamahia ai te kupu nei, te mana. Koia nei ētahi:

Ko te mana atua. He mea tuku iho tēnei mana i ngā atua, he tapu, he mana wairua.

Ko te mana whenua me te mana moana. Koia ko te rangatiratanga o te iwi, o te hapū rānei ki ō rātou whenua me ō rātou moana. He mana tēnei ka hua ake i te ahikāroa o te iwi, o te hapū rānei ki aua wāhi rā.

Ko te mana motuhake. Ko te tino rangatiratanga tēnei o tētahi rōpū, pērā i te iwi, ko te mana ake e tū wehe kē ana i te mana o tētahi atu.

Ko te mana whakaheke. Koia ko te mana ka riro i te tangata i runga anō i ōna kāwai whakapapa ki ngā atua, ki ngā rangatira o mua.

Ko te mana tangata. Koia ko te rangatiratanga o te tangata ake. Ka whai wāhi atu ki tērā ko ōna mōtika tangata, pērā i te manawhiri kōrero. E hāpai ana ngā ture o Aotearoa i te manarite o ngā tāngata katoa, ahakoa tōna mātāwaka, ahakoa tōna hōkakatanga, ahakoa tōna āhua kē atu rānei.

Ko te mana whakahaere. Koia ko te mana ki te whakahaere i tētahi kaupapa, i tētahi rōpū rānei. Hei tauira, kei te tumuaki o te kura te mana whakahaere i te kura, ā, ka kīia ko ia te kaiwhakahaere.

Ko te mana urungi. Ko te mana tērā ki te whakatau i ngā kaupapahere, i ngā whāinga o tētahi whakahaere, pērā i te kura. Kei te rūnanga o te kura te mana urungi, kei te tumuaki te mana whakahaere.

Tauira KŌrero

Ehara nō te kāwanatanga te mana ki ngā takutai moana.

Nōku tōku ake mana ki te kōwhiri i te ara tika mōku.

He mana tō tēnā iwi, tō tēnā iwi ki te whakatau i ngā take e pā ana ki tō rātou iwitanga.

WhakamĀrama Āpitihanga