!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

kōmihana

commission

tūingoa

WHAKAMĀRAMA

He rōpū ka whakatūria e te kāwanatanga, e whaimana ana ki te whakatutuki i tētahi mahi, ki te tūhura rānei i tētahi take.

A group set up by the government that has authority to complete a particular task or to investigate an issue.

Tauira KŌrero

Ko tā te kōmihana nei, he āta whakatewhatewha i te tūkinotanga tamariki i Aotearoa, me ngā kaupapa a te kāwanatanga hei whakakore atu i tērā mahi.

He moumou noa iho te mahi nui a te kōmihana rā i te kore aro a te kāwanatanga ki tā rātou i tohutohu ai.

He wā poto noa iho hei whakaoti mā te kōmihana i tā rātou mahi me te tuku tūtohunga ki te kāwanatanga.

WhakamĀrama Āpitihanga

Ko te mahi a tētahi kōmihana whakatewhatewha, he rangahau, he kohikohi kōrero, he whakarongo ki ngā tāngata e whai pānga ana, mō te take i whakatūria ai rātou. I te mutunga iho ka tuku tūtohunga ki te kāwanatanga hei whakaaroaro mā rātou, engari kāore te kāwanatanga e herea ana ki te whai i tā te kōmihana. I whakatūria he kōmihana whakatewhatewha hei āta tirotiro i te tukipoto whakatuatea i ngā hāhi Muhirama i Ōtautahi i te tau 2019.

Kotahi anake te kaikōmihana, he kāhui kaikōmihana rānei ka whakatūria hei tūhura, hei rangahau i te take. Kotahi te kaikōmihana taiao i Aotearoa e tū wehe kē ana i te kāwanatanga, ahakoa nā te kāwana anō ia i whakatū. Ko tāna, he tūhura i ngā take taiao, he whakaputa pūrongo, he tuku tūtohunga ki te rāngai taiao me te kāwanatanga.

Ko Te Mana Kāwanatanga ā-Rohe tētahi kōmihana, ko tā rātou he whakatau i te hanganga o ngā kaunihera ā-rohe, he whakaū i te mōtika manapori e hāngai ana ki te kāwanatanga ā-rohe.

Takenga Mai

He kupu mino.

Tauira KŌrero

Ko tā te kōmihana nei, he āta whakatewhatewha i te tūkinotanga tamariki i Aotearoa, me ngā kaupapa a te kāwanatanga hei whakakore atu i tērā mahi.

He moumou noa iho te mahi nui a te kōmihana rā i te kore aro a te kāwanatanga ki tā rātou i tohutohu ai.

He wā poto noa iho hei whakaoti mā te kōmihana i tā rātou mahi me te tuku tūtohunga ki te kāwanatanga.

WhakamĀrama Āpitihanga