!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

kiritahi ~tanga

individual, individuality

tūingoa, tūāhua

WHAKAMĀRAMA

Ko te tangata takitahi me ōna āhuatanga ake katoa, tōna tuakiri, tōna haukiri, tōna ahurea, ōna matea, āna whāinga, ōna mōtika me ōna haepapa.

A single person and all their unique characteristics, their identity, their personality, their culture, their needs, their goals, their rights and responsibilities.

Tauira KŌrero

E ai ki ētahi, ko te porihanga e noho nei tātou i ēnei rā, he porihanga e tino aro ana ki te kiritahi, kāore te kiritōpū.

He aha ētahi o ngā mōtika kiritahi matua e whai oranga ai te tangata i tōna ao?

E tino tūhonohono ana te kiritahi ki te porihanga e noho nei ia.

WhakamĀrama Āpitihanga

Ko te kiritōpū te tauaro o te kiritahi, arā, ko ngā āhuatanga e hāngai ana ki tētahi rōpū, pērā i te tuakiri me te ahurea o te rōpū, ngā whāinga a te rōpū, ngā mōtika me ngā haepapa o te rōpū.

Hei tauira ēnei o te whakamahinga o ēnei kupu e rua nei, te kiritahi me te kiritōpū:

Ko ngā mōtika kiritahi me ngā mōtika kiritōpū. Ko te mana whakapūmau i te reo ūkaipō o tētahi iwi taketake hei tauira o te mōtika kiritōpū. Ko te manawhiri kōrero hei tauira o tētahi mōtika kiritahi.

Ko ngā haepapa kiritahi me ngā haepapa kiritōpū. Hei tauira o te haepapa kiritōpū, ko tā te hapori tauawhi i te hunga tuakoka. Hei tauira o te haepapa kiritahi, ko tā te tangata whai kia tū rangatira ia, mā āna mahi anō rātou ko tōna whānau e whai oranga ai.

Ko te tū kiritahi me te tū kiritōpū. Koia ko ngā mahi a te takitahi, a te rōpū rānei ki te kōkiri i tētahi kaupapa. Ko te aukati a te tangata i tana hoko kai e tākaitia ana ki te kirihou hei tauira o te tū kiritahi. Ko tā te hapori aukati i te pēke kirihou tukutahi hei tauira o te tū kiritōpū.

Ko te kirimana tōtahi me te kirimana tōpū. Mā te tangata takitahi me tana kaiwhakawhiwhi mahi e whiriwhiri te kirimana tōtahi mō taua tangata rā. Mā te uniana me te kaiwhakawhiwhi mahi e whiriwhiri te kirimana tōpū mō ngā kaimahi katoa e hono ana ki taua uniana.

Takenga Mai

kiri - person, self

tahi - one

KUPU KĒ ATU

takitahi

Tauira KŌrero

E ai ki ētahi, ko te porihanga e noho nei tātou i ēnei rā, he porihanga e tino aro ana ki te kiritahi, kāore te kiritōpū.

He aha ētahi o ngā mōtika kiritahi matua e whai oranga ai te tangata i tōna ao?

E tino tūhonohono ana te kiritahi ki te porihanga e noho nei ia.

WhakamĀrama Āpitihanga