!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

heke ~a ~nga

migrate, migration

tūingoa, tūmahi poro, tūāhua

WHAKAMĀRAMA

Ko te hūnuku o te tangata mai i tētahi wāhi ki tētahi atu, me te takune kia whakakāinga ia i taua wāhi rā.

The movement of people from one place to another with the intention of settling there.

Tauira KŌrero

I heke mai rātou ki Aotearoa noho ai, i muri mai i te pakanga i tō rātou whenua.

I tīmata mai te hekenga o ngā iwi o Te Moana-nui-a-Kiwa ki Aotearoa i te takiwā o te tau 1100.

Kua tino piki te taupori o Aotearoa i te rua tekau tau kua pahure nei i runga i te maha o ngā tāngata o tāwāhi e heke mai ana ki konei.

WhakamĀrama Āpitihanga

Mēnā ka hūnuku atu te tangata ki whenua kē noho ai, ka kīia tērā ko te hekenga atu. Ka kīia taua tangata rā he manu kaewa.

Mēnā ka hūnuku mai ki Aotearoa nei noho ai, ka kīia tērā ko te hekenga mai. Ka kīia taua tangata rā he manene.

Ko te hūnuku o te tangata mai i tētahi wāhi ki tētahi i roto tonu i te whenua kotahi, ka kīia ko te hekenga rāroto.

Kei te takiwā o te 1,000 tau i mua, te hekenga nui o ngā tīpuna Māori ki Aotearoa. Koirā te wā i whakawhiti mai ai te maha o ngā waka i ngā moutere kei te rāwhiti o Te Moana-nui-a-Kiwa.

Arā anō hoki tētahi hekenga o te iwi Māori i ngā tau o te 1950, o te 1960 me te 1970, mai i ngā kāinga Māori i tuawhenua ki ngā tāone nui o te motu. Ka kīia tērā ko te hekenga tāone.

Mēnā ka hūnuku ngā tāngata whai pūkenga tokomaha, ngā iho pūmanawa o tētahi rohe, o tētahi whenua rānei ki rohe kē, ki whenua kē, ka kīia tērā ko te heke manea. Ko ngā arawātea ki rohe kē, ki whenua kē, ko te whiwhi mahi, ko te pikinga o te utu ētahi o ngā take mō te heke manea.

Tauira KŌrero

I heke mai rātou ki Aotearoa noho ai, i muri mai i te pakanga i tō rātou whenua.

I tīmata mai te hekenga o ngā iwi o Te Moana-nui-a-Kiwa ki Aotearoa i te takiwā o te tau 1100.

Kua tino piki te taupori o Aotearoa i te rua tekau tau kua pahure nei i runga i te maha o ngā tāngata o tāwāhi e heke mai ana ki konei.

WhakamĀrama Āpitihanga