Tikanga ā-Iwi

Aotearoa

New Zealand

tūingoa

WHAKAMĀRAMA

He kupu e whakamahia whānuihia ana mō tō tātou whenua nei, e noho ana ki te tonga o Te Moana-nui-a-Kiwa. E rua ōna moutere matua, ko Te Ika-a-Māui me Te Waipounamu, ā, i tua atu i ērā, ko Rakiura, ko Rēkohu me ētahi atu moutere tūwaho pērā i Waiheke, i Kapiti me Aotea. He ingoa i tapaina tuatahitia ki Te Ika-a-Māui, nō muri mai ka whakahāngaitia ki te katoa o tō tātou whenua.

A word in general use for this country situated in the south of the Pacific Ocean. It consists of two main islands, in English called the North and South Islands, and in addition to those, Stewart and Chatham Islands, and other offshore islands such as Waiheke, Kapiti and Great Barrier. The name was first applied to the North Island, and more recently has been used for the nation as a whole.

Tauira KŌrero

E tohe ana ētahi ko Aotearoa hei ingoa mō Te Ika-a-Māui anahe, ā, kāore e hāngai ana ki Te Waipounamu.

He mea whakaingoa ia mō te kapa o Aotearoa ka haere ki Te Taumāhekeheke o te Ao ā tērā tau.

I te tau 2021 i tāpaetia e Te Pāti Māori tā rātou petihana kia hurihia te ingoa whai mana ā-ture o tō tātou whenua ki tōna ingoa Māori nei, a Aotearoa.

WhakamĀrama Āpitihanga

He paku nui ake te taupori o Aotearoa i te rima miriona tāngata (tau 2021), hui katoa, e 268,000 manomita pūrua (km²) te rahi o ōna whenua.

He mahere tēnei e whakaatu ana i ngā moutere matua o Aotearoa, me ētahi o ōna awa, maunga anō hoki. Pāwhiria a konei kia puta ai te whakarahinga o te mahere :

He tūtohi tēnei e whakaatu ana i ngā ingoa Māori o ētahi tāone, o ētahi rohe hoki i Aotearoa e mōhiotia whānuitia ana ō rātou ingoa Pākehā:

I konei, e tohua ana ētahi o ngā tāone o Te Ika a Māui me ō rātou ingoa Māori. Pāwhiria a konei kia puta ai te whakarahinga o te mahere.

I tēnei mahere, e tohua ana ētahi o ngā tāone o Te Waipounamu me ō rātou ingoa Māori. Pāwhiria a konei kia puta ai te whakarahinga o te mahere.

KUPU KĒ ATU

Niu Tīreni (kupu mino)

Tauira KŌrero

E tohe ana ētahi ko Aotearoa hei ingoa mō Te Ika-a-Māui anahe, ā, kāore e hāngai ana ki Te Waipounamu.

He mea whakaingoa ia mō te kapa o Aotearoa ka haere ki Te Taumāhekeheke o te Ao ā tērā tau.

I te tau 2021 i tāpaetia e Te Pāti Māori tā rātou petihana kia hurihia te ingoa whai mana ā-ture o tō tātou whenua ki tōna ingoa Māori nei, a Aotearoa.