!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

raupapa ~hia ~ tanga

order, sequence

tūingoa, tūmahi whiti

WHAKAMĀRAMA

Ko te whakatakoto i tētahi huinga tau, huinga whakaahua, huinga āhua, huinga paheko rānei, kia whai tētahi huānga i tētahi, me te ū anō ki tētahi ture. Hei tauira: {1, 4, 7, 10 ...}. Ko te ture: Tīmata i te kotahi, ka tāpiripiri ai i te toru.

A set of numbers, images, shapes or operations shown in a systematic way where one element follows another in order, forming a pattern which follows a particular rule.

Tauira KŌrero

Raupapahia ngā hautau mai i te mea iti ki te mea nui. 

Tuhia kia toru anō ngā tau ki tēnei raupapa.

Whakamāramahia mai te ture o tēnei raupapa tau.

WhakamĀrama Āpitihanga

Kua tīpaopao ēnei taurea o te toru, arā, kāore e tika ana te raupapa:

{3, 6, 12, 9, 15, 18, 27, 21, 24 ...}

He tauira raupapa āhua tēnei: 

 

He raupapa panoni tēnei. Ko te ture e mea ana ‘kia 90º te hurihanga whakatekaraka’:

 

He raupapa tau te tatau māwhitiwhiti: {3, 6, 9, 12, 15, 18 ...}

Anei anō tētahi raupapa tau: {1, 2, 4, 8, 16 ...}
E whai ture ana tēnei raupapa tau, arā, ‘whakareatia te tau i mua ki te rua’. Ina whakaroatia tēnei raupapa tau, koinei ngā tau e whā e whai mai ana: {1, 2, 4, 8, 16, 32, 64, 128, 256 ...}

 

Mēnā e whai take ana te raupapa o ngā huānga o tētahi huinga, ka kīia he whiriwhiringa raupapa. Hei tauira:

Mēnā e 3 ngā porotiti, ā, he rerekē ngā tae o ia porotiti, e 6 ngā whiriwhiringa raupapa mō te whakanoho i aua porotiti. Arā:

 

Mēnā kāore he take o te raupapa, ka kīia he whiriwhiringa raupapa-kore. Arā, kotahi te whiriwhiringa raupapa-kore o ngā porotiti, kāore he take o te raupapa o ngā tae:

Hei tauira anō, ko ngā putanga o ngā piunga e rua o tētahi uka:

E 4 ngā whiriwhinga raupapa, arā:

  • upoko, upoko
  • upoko whiore
  • whiore upoko
  • whiore whiore

E 3 ngā whiringa raupapa-kore, arā:

  • e 2 ngā upoko
  • kotahi te upoko, kotahi te whiore
  • e 2 ngā whiore

 

Tauira KŌrero

Raupapahia ngā hautau mai i te mea iti ki te mea nui. 

Tuhia kia toru anō ngā tau ki tēnei raupapa.

Whakamāramahia mai te ture o tēnei raupapa tau.

WhakamĀrama Āpitihanga