!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

hautau, hautanga

fraction, proportion (part of a whole)

tūingoa

WHAKAMĀRAMA

Ina wehea tētahi inenga, tētahi huinga, tētahi āhua rānei ki ētahi wāhanga ōrite, koia ērā ko ngā hautau. Mehemea e whā ngā wāhanga ōrite, ka kīia ia wāhanga he hauwhā. Mehemea e rima ngā wāhanga ōrite, ka kīia ia wāhanga he haurima.

When a measurement, a shape, or a set is divided into equal parts, this is called a fraction. If there are four equal parts, they are called quarters. If there are five equal parts, they are called fifths.

Tauira KŌrero

E toru ngā wāhanga ōrite o te porowhita, nō reira ko te hautoru te hautau.

He aha te hautau e whakaaturia ana i tēnei whakaahua?

Raupapahia ēnei hautau mai i te iti ki te rahi.

WhakamĀrama Āpitihanga

Ko te haurua (1/2 ) te hautau e whakaaturia ana i ngā whakaahua nei:

 

Ko te rua hautoru (2/3 ) te hautau e whakaaturia ana i konei:

 

He hautau nui ake i te kotahi ēnei:He hautau ōrite ēnei:

 

Koia nei ngā hautau e ōrite ana ki te 1/2 . Ka kīia ko te 1/2 te hautau rūnā o tēnei huinga hautau ōrite: (1/2 = 2/4 = 3/6 = 4/8 = 5/10 ... )

Ko te 1/4 te hautau rūnā o ngā hautau pērā i te 2/8 me te 25/100 .

Mehemea e noho tahi ana te tauoti me te hautau, ka kīia he tau hanumi. Arā, ko tētahi wāhanga o te tau he tauoti, ko tētahi wāhanga he hautau. Hei tauira: 11/2 , 53/4

E rua ngā wāhanga o te hautau, ko te taurunga me te tauraro
Ko te tikanga o te tauraro, he tohu i te maha o ngā wehenga ōrite o tētahi mea tūtahi. Ko te tikanga o te taurunga, he tohu i te maha o ngā wehenga ōrite o taua mea e kōrerotia ana, e tatauria ana, e whakaaturia ana rānei.

E 6 katoa ngā wehenga ōrite o te porowhita kei raro iho nei, nō reira ko te 6 te tauraro. E 5 ngā wehenga kauruku, nō reira ko te 5 te taurunga. Arā, e rima hauono (5/6 ) e whakaaturia ana:

 

Koinei te huinga o ngā hautau waetahi, arā, ko te 1 te taurunga: (1/2, 1/3, 1/4, 1/5, 1/6, 1/7, 1/8 ...)

He hautau waetahi-kore ēnei nā te mea he nui ake i te 1 te taurunga: (2/2, 3/2, 2/3, 3/4, 5/6, 13/100 ...)

 

E tāpiria ai ētahi hautau e rua, me mātua huri aua hautau kia ōrite ngā tauraro i te tuatahi.

Arā, me āta kimi te tauraro pātahi iti rawa. Hei tauira: 1/4 + 1/5 =

Tuatahi ka tuhia he hautau ōrite, kātahi ka kimi i te tauraro pātahi:

1/4 , 2/8 , 3/12 , 4/16 , 5/20 ...

1/5 , 2/10 , 3/12 , 4/20 ...

E kitea ana ko te 20 te tauraro pātahi. Nō reira, ka tāpiria ko ēnei hautau ōrite: 1/4 + 1/5 = 5/20 + 4/20 = 9/20

 

Takenga Mai

hau - part, fraction

tau - number

Tauira KŌrero

E toru ngā wāhanga ōrite o te porowhita, nō reira ko te hautoru te hautau.

He aha te hautau e whakaaturia ana i tēnei whakaahua?

Raupapahia ēnei hautau mai i te iti ki te rahi.

WhakamĀrama Āpitihanga