!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

huinga

set

tūingoa

WHAKAMĀRAMA

Ko tētahi rōpū tau, rōpū āhua, rōpū taonga, rōpū tāngata, rōpū mea kē atu rānei. Ka whakamahia ngā tohu { } hei whakaatu i tēnei mea te huinga, ā, ka tuhia ngā huānga o te huinga ki waenganui. Anei te huinga taurua: {0, 2, 4, 6 ...}. Anei te huinga taukehe kei waenganui i te 4 me te 10: {5, 7, 9}.

A group of numbers, shapes, objects, people, or things. The symbols { } are used to show a set. The members of the set are recorded between the brackets. For example, {0, 2, 4, 6 ...} is the set of even numbers. {5, 7, 9} is the set of odd numbers between 4 and 10.

Tauira KŌrero

Tuhia te huinga o ngā taukehe kei raro i te 10. 

Whakamāramahia mai te huinga nei.

He aha ngā huānga e pātahi ana ki ngā huinga e rua nei?

WhakamĀrama Āpitihanga

Ka whakamahia he hoahoa huinga hei whakaatu i te hononga kei waenganui i ētahi huinga. Hei tauira: Karekau he hononga o te huinga A me te E, ka kīia he huinga ritua:
A = {1, 3, 5, 7} E = {2, 4, 6, 8}

 

I konei, he ōrite ētahi huānga o te huinga A me ētahi o te huinga E:

A = {1, 2, 3, 4, 5} E = {2, 4, 6, 8}

Ko te {2, 4} te huinga pūtahi o te A me te E. Ko te ∩ hei tohu i te huinga pūtahi. Arā, A ∩ E = {2, 4}

 

Mēnā kei roto ngā huānga katoa o tētahi huinga i tētahi huinga nui ake, ka kīia he huinga iti tētahi, he huinga nui tētahi. Ko te ⊂ hei tohu i te huinga iti, ko te ⊃ hei tohu i te huinga nui.

Hei tauira: A = {1, 2, 3} E = {1, 2, 3, 4, 5, 6, 7, 8}

He huinga iti te A o te E (A ⊂ E). Hei huinga nui te E o te A (E ⊃ A):

 

Mēnā karekau he huānga kei roto i tētahi huinga, ka kīia taua huinga he huinga wātea. Koia nei ngā tohu e rua: { },∅
He huinga wātea te huinga {ngā tau toitū kei waenganui i te 7 me te 11}.

 

Mēnā ka whakakotahi mai ngā huānga o ētahi huinga e rua, ka kīia tērā ko te huinga tūhono.
Ko te ∪ hei tohu i te huinga tūhono. Hei tauira: A = {1, 2, 3, 4, 5} E = {3, 4, 5, 6, 7}
A ∪ E = {1, 2, 3, 4, 5, 6, 7}

Takenga Mai

hui - come together, congregate

Tauira KŌrero

Tuhia te huinga o ngā taukehe kei raro i te 10. 

Whakamāramahia mai te huinga nei.

He aha ngā huānga e pātahi ana ki ngā huinga e rua nei?

WhakamĀrama Āpitihanga