!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pāngarau

tatau māwhitiwhiti ~ria

skip count

tūingoa, tūmahi whiti

WHAKAMĀRAMA

He pekepeke te āhua o tēnei momo tatau, kāore e tatauria ngā tau katoa, engari he ōrite te tawhiti o ia peke. Mēnā e rua te rahi o ia peke, ko te tatau mawhiti-rua tērā. Mēnā ko te rima te rahi o ia peke, ko te tatau mawhiti-rima. Ko te tatau māwhitiwhiti tētahi āhuatanga matua hei whakatutuki mā te ākonga i roto i tana ako i te mātauranga tau.

Counting is done in jumps - all numbers are not counted, but the distance of each jump is kept constant. Jumping two will result in skip counting in two’s. Jumping five will be skip counting in fives. The ability to skip count is a key aspect of children’s learning in number.

Tauira KŌrero

E ako ana a Hinewai ki te tatau māwhitiwhiti.

He ngohe tēnei hei whakapakari i te tatau māwhitiwhiti.

Tatau mawhiti-rua whakamuri, mai i te 20 ki te 0.

WhakamĀrama Āpitihanga

Ka tino whakamahia te rārangi tau hei whakaatu i te tatau māwhitiwhiti. Ko te tatau mawhiti-4 tēnei:

He tauira ēnei o te tatau mawhiti-2:
2, 4, 6, 8, 10, 12 ...
1, 3, 5, 7, 9, 11 ...

 

He tauira ēnei o te tatau mawhiti-5:
5, 10, 15, 20, 25, 30, 25, 40 ...
2, 7, 12, 17, 22, 27, 32, 37 ...

 

He pai te whakamahi i te paparau hei tūhura i te tatau māwhitiwhiti, kia kitea ai ngā tauira. E whakaaturia ana te tatau mawhiti-3 i te paparau nei:

 

He ōrite te tatau mawhiti-3 ki te whakahua i nga taurea o te toru: 3, 6, 9, 12, 15 ...

Ina whakahuatia ngā taurea o te 4, ko te tatau mawhiti-4 tērā: 4, 8, 16, 20, 24, 28 ...

He kupu motuhake i roto i te reo Māori mō te tatau mawhiti-20. Arā, ko te hokotahi, te hokorua, te hokotoru ... (20, 40, 60 ...).

Ka kīia he tau ngahuru ngā tau o roto i te tatauranga mawhiti-10, arā: 10, 20, 30, 40 ...

Takenga Mai

tatau - count

mawhiti - leap, skip

KUPU KĒ ATU

kaute kōhitihiti

Tauira KŌrero

E ako ana a Hinewai ki te tatau māwhitiwhiti.

He ngohe tēnei hei whakapakari i te tatau māwhitiwhiti.

Tatau mawhiti-rua whakamuri, mai i te 20 ki te 0.

WhakamĀrama Āpitihanga