!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

Papatūānuku

Earth

tūingoa

WHAKAMĀRAMA

Ko te aorangi e noho nei tātou. Ko ia te tipuna wahine o ngā mea ora katoa. Ko Papatūānuku te aorangi tuatoru mai i a Tamanuiterā, āhua 149,500,500km te tawhiti. Kei te takiwā o te 70% o te mata o Papatūānuku e kapi ana i te moana. E kōpakina ana a Papatūānuku ki te kōhauhau, koirā ngā momo haurehu e ora ai ngā rauropi katoa e noho ana ki a Papatūānuku.

The planet on which we live, the female ancestor of all living things. The Earth is the third planet from the Sun, approximately 149,500,500km distant. Approximately 70% of the Earth’s surface is covered with sea. The Earth is enveloped by the atmosphere, which is a mixture of gases required by all living things on the Earth

Tauira KŌrero

Whakamāramatia mai te noho whanaunga mai o Papatūānuku, o te me te Marama.

I puta mai a Papatūānuku i hea?

He poi te āhua o Papatūānuku, engari he āhua papatahi ki te pito raki me te pito tonga.

WhakamĀrama Āpitihanga

E amio ana a Papatūānuku i te Rā. Ko te wā e oti ai tētahi amionga ko te 365 rā, e 5 hāora, e 48 meneti – koirā te roa o tētahi tau. E takahurihuri ana a Papatūānuku, ko te 23 hāora 56 meneti e oti ai te huringa kotahi – koirā te roa o tētahi rā:

 

Ko ngā wāhanga matua o Papatūānuku ko te iho roto, ko te iho waho, ko te nukuratarata, ko te kirinuku, ko te kōhauhau:

 

He totoka, he mārō te iho roto, he ranunga o te rino (Fe) me te konukōreko (Ni). Kei te takiwā o te 1,200km te mātotoru o te iho roto.

He waiwai te iho waho, he ranunga anō o te rino (Fe) me te konukōreko (Ni), he ratarata, he tino wera. Nā te rere o te ranunga rino konukōriko ratarata i te iho waho, ka puta te whaitua autō o Papatūānuku. Āhua 2,300km te mātotoru o te iho waho.

Kei waenganui i te iho waho me te kirinuku ko te nukuratarata. He ratarata tonu te āhua o ngā toka i tēnei paparanga o Papatūānuku, kei te takiwā o te 3,700ºC te wera, he kukū anō hoki. Ka pīoioi te nukuratarata, nā te piki o te toka wera me te heke o te toka kāore i te pērā rawa te wera. Ka kīia tēnei āhuatanga ko te rerenga iakawe. Nā te pīoioi o te nukuratarata ka nukunuku anō ngā papaneke i te kirinuku o Papatūānuku. Āhua 3,000km te mātotoru o te nukuratarata. He nui te konupora (Mg) me te takawai (Si) i te nukuratarata:

He totoka, he mārō te kirinuku, e mānu ana i te nukuratarata. Āhua 10km te mātotoru o te kiri moana, 40–70km te mātotoru o te kiri paparahi.

KUPU KĒ ATU

ao

Tauira KŌrero

Whakamāramatia mai te noho whanaunga mai o Papatūānuku, o te me te Marama.

I puta mai a Papatūānuku i hea?

He poi te āhua o Papatūānuku, engari he āhua papatahi ki te pito raki me te pito tonga.

WhakamĀrama Āpitihanga