!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

momo

species

tūingoa

WHAKAMĀRAMA

He rōpū rauropi. He ōrite te hanga me ētahi āhuatanga o ngā rauropi o tēnā momo, o tēnā. Mā te ai o tētahi rauropi me tētahi atu o tōna momo e whakaputa uri ai. Kāore i ārikarika ngā momo e noho ana ki a Papatūānuku – he nui ake i te rua miriona. Hei tauira, ko te tangata, ko te kurī, ko te kūmara, ko te kuku. E whakamahia ana te reo Rātina e ngā mātanga pūtaiao ki te whakaingoa i ngā momo katoa e mōhiotia ana.

A group of organisms that resemble each other and have common features. Each species can produce its own offspring. There are a huge number of different species living on Earth, for example, humans, dogs, the kūmara and the mussel. Latin is used to give a scientific name to every known species.

Tauira KŌrero

He aha i kīia ai he momo tētahi momo? 

Rangahautia te whakapapa o ngā ingoa Rātina mō ngā momo rarauhe.

He momo anō te tio, i takea mai i te whānau ‘ostreidae’.

WhakamĀrama Āpitihanga

E ai ki tā ngā mātanga pūtaiao whakarōpū rauropi, ko te momo te rōpū rauropi iti rawa atu. Ko ngā momo e whanaunga tahi ana, ka kīia he puninga. Ko ngā puninga e whanaunga tahi ana, ka kīia he whānau. Ko ngā whānau e whanaunga tahi ana, ka kīia he pūtoi. Ko ngā pūtoi e whanaunga tahi ana, ka kīia he karangatanga. Ko ngā karangatanga e whanaunga tahi ana, ka kīia he pori. Ko ngā pori e whanaunga tahi ana, ka kīia he mātāmuatanga. Arā te whakapapa:

 Hei whakatauira i te pūnaha whakarōpū nei:

Te wehewehenga

Te tangata

Te rango

Te pī (tipu)

Te E.coli (huakita)

mātāmuatanga

animalia (kīrehe)

animalia (kīrehe)

plantae (tipu)

monera

pori

chordata
(kīrehe whai tuaiwi

arthropoda
(kīrehe angawaho)

magnoliophyta

eubacteria

karangatanga

mammalia (whāngote

insecta (pepeke)

magnoliopsida

proteobacteria

pūtoi

primate
(whāngote waewae-rua)

diptera

fabales

enterobacteriales

whānau

hominidae

drosophilidae

fabaceae

enterobacteriaceae

puninga

Homo

Drosophila

Pisum

Escherichia

momo

Homo sapiens

Drosophila melanogaster

Pisum sativum

Escherichia coli

 

Ko ētahi rauropi, pērā i te paihamu, he mea kawe mai ki Aotearoa ki konei noho ai. Ka kīia ēnei he momo rāwaho.

Ko ētahi rauropi nō Aotearoa, nō ētahi atu whenua hoki, pērā i te pārera. Ka kīia he momo māori ēnei.

Ko ētahi rauropi pērā i te tūī, nō Aotearoa anake, kāore e kitea i whenua kē, ā, ka kīia he momo taketake ēnei.

 

Takenga Mai

momo - race, breed, blood

Tauira KŌrero

He aha i kīia ai he momo tētahi momo? 

Rangahautia te whakapapa o ngā ingoa Rātina mō ngā momo rarauhe.

He momo anō te tio, i takea mai i te whānau ‘ostreidae’.

WhakamĀrama Āpitihanga