!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

tipu

plant

tūingoa

WHAKAMĀRAMA

He rauropi e hanga ana i tāna ake kai mā te tukanga ahotakakame i roto anō i ōna rau. Ko te nuinga o ngā tipu he uri nō Tāne Mahuta, nō Rongomātāne, nō Haumia-tiketike, ā, nō Tangaroa hoki ētahi. Ko ngā tipu ēnā kei te pūtake o ngā raupapa kame katoa. Mā te tipu e ora ai ērā atu o ngā rauropi, arā, ngā momo kīrehe katoa. Ko tētahi mahi nui a te tipu he miti i te hauhā (CO2) o te hau takiwā, he tuku i te hāora (O).

An organism which produces its own food through the process of photosynthesis. Most plants belong to the realm of Tāne Mahuta, Rongomātāne, Haumia-tiketike and Tangaroa. Plants are at the base of all food chains, providing sustenance to other organisms, such as animals. An important function of plants is to absorb carbon dioxide from the atmosphere and to give off oxygen.

Tauira KŌrero

He aha ngā mea matua e ora ai tētahi tipu?

Hoahoatia ngā wāhanga matua o tētahi tipu.

He tarapī kei roto i te o te tipu hei kawe i te wai me ngā taiora mai i ngā pakiaka ki ngā rau.

WhakamĀrama Āpitihanga

He maha ngā whakarōpūtanga o ngā momo tipu o Aotearoa, o tāwāhi hoki. Ko tētahi whakarōpūtanga a te Māori he tātai i runga i ngā kāwai whakaheke mai i a Ranginui rāua ko Papatūānuku. Arā anō ētahi whakarōpūtanga maha pēnei i ēnei nā:

Ka ora ētahi tipu mō te toru tau, nui ake rānei, pērā i ngā rākau o te ngahere. Ka kīia ēnei tipu he tautini.

Ka ora ētahi tipu mō te tau kotahi anake, pērā i te nuinga o ngā hua whenua. Ka kīia ēnei tipu he tautahi.

Arā anō ētahi tipu ka ora mō te rua tau. Ka kīia he taurua.

Te
Koia te wāhanga matua e tū ai te tipu me ōna rau, ōna peka, ōna pua me ōna hua. Kei roto i te ngā tarapī hei kawe i te wai me ngā taiora mai i ngā pakiaka ki ngā rau. Ko te tariwai te ingoa o ēnei .

 

Te pakiaka
Mā ngā pakiaka e mau ai te tipu ki te oneone. Ko te mahi a ngā pakiaka he miti i te wai me ngā taiora o roto i te oneone. He hōhonu te tupu o te tāmore ki roto i te oneone, tiki atu ai i te wai o reira. Ka toro atu ngā pakiaka kaurapa ki ngā taha o te tipu. Ko ngā weri te wāhanga o ngā pakiaka ka miti i te wai

 

Te rau
Ko te wāhi hanga kai e ora ai te tipu. Arā ko te wāhi e haere ai te tukanga ahotakakame

 

Te pua
Koia nei te wāhi o te tipu ka whakaputaina he kākano e pihi mai ai he tipu hou ā tōna wā.

Takenga Mai

tipu - shoot, bud, growth

Tauira KŌrero

He aha ngā mea matua e ora ai tētahi tipu?

Hoahoatia ngā wāhanga matua o tētahi tipu.

He tarapī kei roto i te o te tipu hei kawe i te wai me ngā taiora mai i ngā pakiaka ki ngā rau.

WhakamĀrama Āpitihanga